1. செய்திகள்
  2. செய்திகள்
  3. த‌மிழக‌ம்
  4. Next Target Anitha Radhakrishnan: ED Seeks Permission From CM Vijay For Investigation

அனிதா ராதாகிருஷ்ணனை விசாரிக்க வேண்டும்.. தமிழக அரசிடம் அனுமதி கேட்ட அமலாக்கத்துறை...

anitha
செந்தில் பாலாஜியை தொடர்ந்து, சட்டவிரோத பணப் பரிமாற்ற வழக்கில் அமலாக்க துறையின் அடுத்த இலக்காக திமுகவின் முன்னாள் அமைச்சர் அனிதா ராதாகிருஷ்ணன் மாறப்போகிறார் என்ற தகவல் தமிழக அரசியல் வட்டாரங்களில் பெரும் அதிர்வலைகளை ஏற்படுத்தியுள்ளது. 
 
வருமானத்திற்கு அதிகமாக சொத்து சேர்த்ததாக அனிதா ராதாகிருஷ்ணன் மீது உள்ள வழக்கை அடிப்படையாக கொண்டு, அவரிடம் முழுமையான விசாரணை நடத்த அனுமதி கோரி அமலாக்கத்துறை தமிழக அரசுக்கு தற்போது அதிகாரப்பூர்வமாக ஒரு கடிதம் அனுப்பியுள்ளது.
 
மாநிலத்தின் உயர்மட்ட பிரதிநிதிகள் அல்லது முன்னாள் அமைச்சர்கள் மீது மத்திய புலனாய்வு அமைப்புகள் நடவடிக்கை எடுக்க வேண்டுமெனில், மாநில அரசின் ஒப்புதல் அவசியமாகும். இதனால், தற்போதைய புதிய தவெக அரசின் முதலமைச்சரான விஜய் இந்த கடிதத்திற்கு ஒப்புதல் அளிப்பாரா என்ற எதிர்பார்ப்பு எகிறியுள்ளது. 
 
கடந்த காலத் திராவிட ஆட்சிகளை போல ஊழல் குற்றச்சாட்டுகளுக்கு முட்டுக்கொடுக்காமல், 'ஊழலற்ற தூய்மையான நிர்வாகம்' என்ற தவெகவின் கொள்கைப்படி முதலமைச்சர் விஜய் இந்த விசாரணைக்கு உடனடியாக பச்சைக்கொடி காட்டுவார் என்றே அரசியல் விமர்சகர்கள் கருதுகின்றனர்.
 
மறுபுறம், இந்தசட்டப்பூர்வ அனுமதி வழங்கப்பட்டால், அது திமுகவின் முக்கிய தலைவர்களுக்கு பெரும் நெருக்கடியை உருவாக்குவதோடு, தமிழக அரசியல் களத்தில் தவெகவின் ஆளுமையையும், ஊழலுக்கு எதிரான அதன் தீர்க்கமான செயல்பாட்டையும் மக்கள் மத்தியில் மேலும் பலப்படுத்தும் என்பதில் எவ்வித மாற்று கருத்தும் இல்லை.
 
Edited by Siva
அடுத்த கட்டுரையில்
ட்விட்டரில் மின்வெட்டு புகார் அளித்தவர்கள் அவசர அவசரமாக ட்வீட்டை டெலிட் செய்துவிட்டு ஓட்டம்.. என்ன நடந்தது?