1. செய்திகள்
  2. செய்திகள்
  3. த‌மிழக‌ம்
  4. DMK MLA Markandeyan Arrested for Making Violent Threats Against CM Vijay

கைதான திமுக எம்.எல்.ஏ மார்க்கண்டேயன் மீது என்னென்ன பிரிவுகளில் வழக்கு.. முழு விவரங்கள்...

முதல்வர் விஜய்
முதல்வர் ஜோசப் விஜய் குறித்து அவதூறாகவும், மிரட்டும் வகையிலும் பேசிய விளாத்திகுளம் திமுக எம்.எல்.ஏ மார்க்கண்டேயன் கைது செய்யப்பட்டுள்ளார். 
 
சமீபத்தில் சட்டமன்றத்தில் பேசிய முதல்வர் விஜய், எதிர்க்கட்சிகள் கேள்விக்கு பதில் சொல்லாமல் ஓடிவிடுவதாகவும், அதனால் பேரவை கதவுகளை மூடிவிட்டுத்தான் பேச வேண்டும் போல என விமர்சித்திருந்தார். இதற்கு பதிலடியாக, கோவில்பட்டியில் நடைபெற்ற பொதுக்கூட்டம் ஒன்றில் பேசிய எம்.எல்.ஏ மார்க்கண்டேயன், சட்டமன்றத்தை பூட்டினால் முதல்வர் விஜய்யின் எலும்பை உடைத்துதான் அனுப்புவோம் என்று கொச்சையாகவும், வன்முறையை தூண்டும் வகையிலும் பேசியிருந்தார்.
 
இவரது இந்த பேச்சு தமிழக அரசியல் வட்டாரத்தில் பெரும் பரபரப்பை ஏற்படுத்தியது. கொலை மிரட்டல் விடுக்கும் விதமாகவும், பொது அமைதிக்கு பங்கம் விளைவிப்பதாகவும், இரு கட்சிகளுக்கும் இடையே மோதலைத் தூண்டும் வகையிலும் பேசியதாக கூறி, மார்க்கண்டேயன் மீது 351/3, 352/3, 353/3 ஆகிய பிரிவுகளின் கீழ் வழக்குப்பதிவு செய்யப்பட்டது. 
 
இதனையடுத்து, காவல்துறையினர் அவரை அதிரடியாகக் கைது செய்தனர். எம்.எல்.ஏ ஒருவரே முதல்வரை நோக்கி இவ்வாறு வன்முறையைத் தூண்டும் வகையில் பேசியிருப்பது, திமுக மற்றும் தவெக இடையிலான அரசியல் மோதலைத் தீவிரப்படுத்தியுள்ளது. சட்டப்பேரவை உறுப்பினராக இருந்து கொண்டு இத்தகைய பொறுப்பற்ற முறையில் பேசியது, சட்டத்தின் முன் அவர் கடுமையாக எதிர்கொள்ள வேண்டிய சூழலை உருவாக்கியுள்ளது. 
 
ஜனநாயக முறைப்படி கருத்துக்களைப் பரிமாறிக் கொள்ள வேண்டிய இடத்தில், தனிநபர் தாக்குதல் மற்றும் உடல் ரீதியான மிரட்டல்கள் விடுக்கப்பட்டது கண்டனத்திற்குரியது என அரசியல் விமர்சகர்கள் கருத்து தெரிவித்து வருகின்றனர்.
 
Edited by Siva
அடுத்த கட்டுரையில்
பிளஸ் டூ தேர்வில் தோல்வி!.. கண்டித்த தாயை கொடூரமாக கொலை செய்த மகன்!.. சென்னையில் அதிர்ச்சி...