அக்டோபர் 1 முதல் எரிவாயு சிலிண்டர்களுக்கு யாருக்கெல்லாம் மானியம் கிடையாது.. புது தகவல்..
அக்டோபர் 1 முதல் மானிய விலையில் சமையல் எரிவாயு சிலிண்டர்களை பெற கட்டாய பயோமெட்ரிக் ஆதார் சரிபார்ப்பு அவசியமாக்கப்பட்டுள்ளது. செப்டம்பர் 30-க்குள் இந்த சரிபார்ப்பை முடிக்காத நுகர்வோருக்கு, அக்டோபர் 1 முதல் சந்தை விலையிலேயே எரிவாயு சிலிண்டர்கள் வழங்கப்படும் என அறிவிக்கப்பட்டுள்ளது.
மானிய விலையில் எல்பிஜி பெற விரும்புவோர் இந்தியன் ஆயில் ஒன் , ஹலோ பாரத்கேஸ் அல்லது ஹெச்பி பே ஆகிய செயலிகள் மூலமாகவோ அல்லது தங்களது விநியோகஸ்தரைத் தொடர்புகொண்டோ தங்களது சரிபார்ப்பு நிலையை உறுதி செய்யலாம். இச்செயல்முறையைச் சிலிண்டர் விநியோக ஊழியர் மூலமாகவோ, விநியோகஸ்தர் அலுவலகத்திற்கு நேரில் சென்றோ அல்லது செயலிகள் மூலமாகவோ பூர்த்தி செய்ய முடியும்.
செப்டம்பர் 30-க்குள் இதை முடிக்க தவறினாலும் சிலிண்டர் விநியோகம் நிறுத்தப்படாது. ஆனால், மானியம் இல்லாத சந்தை விலையிலேயே 5 கிலோ அல்லது 10 கிலோ சிலிண்டர்கள் வழங்கப்படும். தகுதியுள்ள நுகர்வோருக்கு மானியம் நேரடியாக சென்றடைவதை உறுதி செய்யவும், முறைகேடுகளைத் தடுக்கவுமே இந்த பயோமெட்ரிக் முறை கட்டாயமாக்கப்பட்டுள்ளது. சந்தேகங்களுக்கு 1800-2333-555 என்ற இலவச உதவி எண்ணை தொடர்புகொள்ளலாம்.
Edited by Siva
