அர்னால்டுக்கு இரண்டாவது முறை இதய ஆப்ரேஷன்! – இனி படங்களில் நடிப்பாரா?
பிரபல ஹாலிவுட் ஹீரோ அர்னால்டுக்கு இரண்டாவது முறையாக இதய அறுவை சிகிச்சை செய்யப்பட்டுள்ளது.
ஹாலிவுட்டின் பிரபல ஹீரோவான அர்னால்ட் டெர்மினேட்டர், ப்ரிடேட்டர், எக்ஸ்பெண்டபில்ஸ் உள்ளிட்ட பல ஆக்ஷன் படங்கள் மூலமாக உலகம் முழுவதும் புகழ் பெற்றவர்.
தற்போது தன்னுடைய 73 வயதிலும் படங்களில் நடித்து வரும் அர்னால்ட் கடந்த சில ஆண்டுகள் முன்னதாக இதயத்தில் ஏற்பட்ட கோளாறு காரணமாக அறுவை சிகிச்சை செய்து கொண்டார். அதற்கு பிறகு ஆக்ஷன் படங்களில் நடிப்பதை குறைத்துக் கொண்ட அவர், ஜனரஞ்சக படங்களில் நடித்து வருகிறார்.
இந்நிலையில் இதயத்தில் உள்ள கோளாறை சரிசெய்ய அவருக்கு தற்போது மீண்டும் அறுவை சிகிச்சை செய்யப்பட்டுள்ளது. இரண்டாவது முறையாக அறுவை சிகிச்சை செய்யப்பட்டுள்ளபோதும் தான் நலமாக இருப்பதாக அர்னால்ட் ட்விட்டரில் தெரிவித்துள்ளார். இனி அவர் அதிகம் ஓய்வு எடுக்க வேண்டும் என மருத்துவர்கள் கூறியுள்ள நிலையில் இனி அவர் படங்களில் தொடர்ந்து நடிப்பாரா? என்ற கேள்வி எழுந்துள்ளது.
