ஷுப்மன் கில் பற்றி விராட் கோலியின் கோச் சொன்ன கருத்து!
இந்திய அணியின் தொடக்க ஆட்டக்காரர் சுப்மன் கில் மிகச்சிறப்பான ஆட்டத்தை வெளிப்படுத்தி வருகிறார்.
23 வயது இளம் வீரரான சுப்மன் கில் மூன்று வடிவிலான போட்டிகளிலும் கோலி போல மிகச்சிறப்பான ஆட்டத்தை வெளிப்படுத்தி வருகிறார். ஆரம்பத்தில் நிதானமாக விளையாடி பின்னர் ஆக்ரோஷத்தை வெளிப்படுத்தும் பாணியில் இந்திய அணிக்கு புதிய ரன்மெஷினாக கிடைத்துள்ளார்.
இந்நிலையில் கில்லின் சமீபத்தைய ஆட்டத்திறனைப் பற்றி விராட் கோலியின் இளம் வயது கோச் ராஜ்குமார் ஷர்மா கூறியுள்ள கருத்து கவனத்தை ஈர்த்துள்ளது. அதில் “கோலி மற்றும் ரோஹித் ஆகியோரின் சாதனைகளை கில் முறியடிப்பது ஆரோக்யமான விஷயம். அவர்கள் இருவரும் அணிக்காக பல போட்டிகளில் ஒற்றை ஆளாக வென்றுகொடுத்துள்ளனர். அதே போல கில் சிறந்த வீரராக பார்க்கப்படும் காலம் சீக்கிரமே வரும்” எனக் கூறியுள்ளார்.
