பாகிஸ்தான் தேர்தல் - தீவிரவாத ஆதரவு கட்சிகள் படுதோல்வி
பாகிஸ்தான் நாடாளுமன்றத் தேர்தலில் தீவிரவாத அமைப்புகளின் ஆதரவுடன் போட்டியிட்ட கட்சிகள் படுதோல்வி அடைந்துள்ளன.
பாகிஸ்தான் நாடாளுமன்ற தேர்தலில் முன்னாள் பாகிஸ்தான் கிரிக்கெட் அணியின் கேப்டன் இம்ரான் கானின் பிடிஐ கட்சிக்கும், முன்னாள் பிரதமர் நவாஸ் ஷெரிஃபின் பிஎம்எல்-என் கட்சிக்கும் இடையில் போட்டி நிலவியது.
கடந்த 25 ஆம் தேதி நடைபெற்ற தேர்தலில் இம்ரான் கானின் பிடிஐ கட்சி வெற்றி பெற்றுள்ளது.
இந்த தேர்தலில் அல்லா-வு-அக்பர் தெஹ்ரிக் என்ற கட்சி சார்பில் போட்டியிட்ட தீவிரவாத அமைப்புகள் ஒரு இடத்தில் கூட வெற்றி பெறவில்லை. இதன்மூலம் மதவாதம், தீவிரவாதம் சார்ந்த கட்சிகளை பாகிஸ்தான் மக்கள் புறக்கணித்திருக்கிறார்கள் என தெரிய வந்துள்ளது.
