16 மணி நேரம் வேலை, ஊக்கத்தொகை கட்: ஸ்விக்கி நிறுவன ஊழியர்கள் அதிர்ச்சி!

Publish: Tue, 20 Sep 2022 (08:01 IST) Updated: Tue, 20 Sep 2022 (08:05 IST)

16 மணிநேரம் நேரம் மாற்றிய ஸ்விக்கி நிறுவனம் ஊக்கத் தொகையையும் கட் செய்திருப்பதால் ஸ்விக்கி நிறுவன ஊழியர்கள் கடும் அதிர்ச்சி அடைந்துள்ளனர் 

உணவு டெலிவரி செய்யும் நிறுவனங்களில் ஒன்றான ஸ்விக்கி நிறுவனம் தனது ஊழியர்களை பிழிந்து எடுப்பதாக ஏற்கனவே குற்றச்சாட்டில் இருந்து வருகிறது 

இந்த நிலையில் ஸ்விக்கி நிறுவனம் தனது ஊழியர்களுக்கான புதிய விதிமுறைகளை அறிவித்துள்ளது. இதன்படி இதுவரை 12 மணி நேரமாக இருந்த வேலை நேரம் தற்போது 16 மணி நேரமாக மாற்றப்பட்டுள்ளதாக அறிவிக்கப்பட்டுள்ளது

அதுமட்டுமின்றி வார ஊக்கத்தொகையும் நிறுத்தி உள்ளதாக கூறப்படுவதால் ஸ்விக்கி  நிறுவன ஊழியர்கள் வேதனை தெரிவித்துள்ளனர். ஸ்விக்கி  நிறுவனத்தின் புதிய விதிமுறைகளை கண்டித்து சென்னையில் 300 க்கும் மேற்பட்ட ஊழியர்கள் வேலை நிறுத்தம் செய்ததால் சென்னையில் பெரும் பரபரப்பு ஏற்பட்டது. இதில் அரசு தலையிட வேண்டும் என்றும் புதிய விதிமுறைகள் ஊழியர்களுக்கு எதிராக உள்ளது என்றும் ஊழியர்கள் கருத்து தெரிவித்துள்ளனர்