திமுக கூட்டணியில் உள்ள காங்கிரஸ் கட்சிக்கு தமிழகத்தில் ஒன்பது தொகுதிகளும் புதுச்சேரி தொகுதியும் என மொத்தம் பத்து தொகுதிகள் ஒதுக்கப்பட்டிருக்கும் நிலையில் தற்போது ஏழு தொகுதிகளுக்கான வேட்பாளர் பட்டியல் அறிவிக்கப்பட்டுள்ளது. திருநெல்வேலி மற்றும் மயிலாடுதுறை ஆகிய இரண்டு தொகுதிகளுக்கான வேட்பாளர் பட்டியல் இன்று அறிவிக்கப்படும் என்று கூறப்படுகிறது. இந்த நிலையில் காங்கிரஸ் கட்சியின் ஏழு வேட்பாளர் பட்டியல் இதோ: திருவள்ளூர் - சசிகாந்த் செந்தில் கரூர் - ஜோதிமணி விருதுநகர் - மாணிக்கம் தாகூர் சிவகங்கை - கார்த்தி சிதம்பரம் கன்னியாகுமரி - விஜய் வசந்த் கடலூர் - விஷ்ணு பிரசாந்த் கிருஷ்ணகிரி - கோபிநாத் இதில் காங்கிரஸ் கட்சிக்காக கடந்த சில ஆண்டுகளாக குரல் கொடுத்து வந்த சசிகாந்த் செந்தில் அவர்கள் வேட்பாளராக நிறுத்தப்பட்டு இருப்பது ஆச்சரியத்தை ஏற்படுத்தி உள்ளது என்பது குறிப்பிடத்தக்கது. அதே நேரத்தில் சிவகங்கை தொகுதியில் கார்த்திக் சிதம்பரம் மற்றும் கரூர் தொகுதியில் ஜோதிமணி மீண்டும் நிறுத்தப்பட்டுள்ளது காங்கிரஸ் கட்சியின் தொண்டர்களுக்கு பெரும் அதிருப்தியை ஏற்படுத்தி இருப்பதாக கூறப்படுகிறது. Edited by Siva
