1. செய்திகள்
  2. செய்திகள்
  3. த‌மிழக‌ம்
  4. Minister thangam thennarasu apology for his speech

மாற்றுத்திறனாளிகள் குறித்த பேச்சு.. வருத்தம் தெரிவித்த அமைச்சர் தங்கம் தென்னரசு..!

Thangam Thennarasu
கடந்த சில நாட்களுக்கு முன்ன தலைமைச் செயலகத்தில் நடைபெற்ற நிகழ்ச்சி ஒன்றில் அமைச்சர் தங்கம் தென்னரசு பேசியபோது மாற்றுத்திறனாளிகள் குறித்து கூறிய அவரது கருத்து பெரும் சர்ச்சைக்கு உள்ளானது. 
 
இது குறித்து சமூக வலைதளங்களில் பரபரப்பை ஏற்படுத்திய நிலையில் தற்போது அவர் இதற்கு வருத்தம் தெரிவித்து தனது சமூக வலைதளத்தில் பதிவு செய்துள்ளார். அவர் இது குறித்து கூறியிருப்பதாவது: 
 
கடந்த 18-11-23 அன்று தலைமைச் செயலகத்தில் நடைபெற்ற செய்தியாளர்கள் சந்திப்பின்போது, எனது பேச்சின் ஊடே நான் பயன் படுத்திய வார்த்தை மாற்றுத் திறனாளி நண்பர்களின் மனதைப் புண்படுத்தியுள்ளதாக அறிந்து மிகவும் வருந்துகிறேன். 
 
மாற்றுத் திறனாளிகள் மீது அன்பும், அக்கறையும், மதிப்பும் எப்போதும் உடையவன் என்ற வகையில், எவ்வித உள் நோக்கமுமின்றி பேட்டியின் ஊடே வெளிப்பட்டதொரு சொல் எனினும், மனம் புண்பட்டிருக்கும் அவர்களது உணர்வினை முழுமையாகப் புரிந்து கொள்கிறேன். எனது மனமார்ந்த வருத்தத்தைத் தெரிவித்துக் கொள்கிறேன்.
 
Edited by Mahendran
அடுத்த கட்டுரையில்
திருப்பதியில் வைகுண்ட ஏகாதசி; 4.23 லட்சம் இலவச டிக்கெட்டுகள் வழங்க திட்டம்!