தமிழ்நாட்டை கடைசி இடத்திற்கு கொண்டு வர ஒத்துழையுங்கள்: டாக்டர் ராமதாஸ் டுவிட்!
கொரோனா பாதிப்பில் இந்தியாவிலேயே தற்போது முதலிடத்தில் இருக்கும் தமிழகத்தை கடைசி இடத்திற்கு கொண்டுவர தமிழக மக்கள் அனைவரும் ஒத்துழைக்க வேண்டும் என்று பாமக நிறுவனர் டாக்டர் ராமதாஸ் தெரிவித்துள்ளார். இதுகுறித்து அவர் மேலும் கூறியிருப்பதாவது:
முதலிடத்தில் இருக்கும் தமிழ்நாட்டை கடைசி இடத்திற்கு கொண்டு வர தமிழ்நாட்டு மக்களாகிய உங்களால் முடியும். உலக சுகாதார நிறுவனம் அறிவித்துள்ள பாதுகாப்பு விதிகளையும், ஊரடங்கையும் கடைபிடியுங்கள். கொரோனாவை கட்டுப்படுத்த உதவுங்கள்! மக்களே சிந்திப்பீர்.... செயல்படுவீர்!
தேசிய அளவிலான தினசரி கொரோனா தொற்று தொடர்ந்து ஒரு லட்சத்திற்கும் குறைவாகவே இருப்பது மிகவும் நிம்மதியளிக்கிறது. ஆனாலும், தினசரி கொரோனா பாதிப்பில் தமிழ்நாடு தான் தொடர்ந்து முதலிடம் வகிக்கிறது. கேரளாவுக்கு இரண்டாவது இடம்! என்று கூறியுள்ளார்.
