தேர்தலில் களமிறங்கும் பவர்ஸ்டார் சீனிவாசன்: நடுநடுங்கும் திமுக அதிமுக!!!
நாடாளுமன்றத் தேர்தலில் இந்திய குடியரசுக் கட்சி சார்பில் நடிகர் பவர் ஸ்டார் தென் சென்னை தொகுதியில் போட்டியிட உள்ளதாக தகவல் வெளியாகியுள்ளது.
நாடாளுமன்ற தேர்தல் நெருங்குவதை முன்னிட்டு திமுக, அதிமுக மற்றும் சில கட்சிகள் தாங்கள் போட்டியிடும் தொகுதிகள் மற்றும் அதற்கான வேட்பாளர்களையும் அறிவித்துள்ளது. நேற்று திமுக, அதிமுகவின் தேர்தல் அறிக்கைகள் வெளியிடப்பட்டது. வேட்பு மனு தாக்கல் செய்யவும் பிரச்சாரத்திற்காகவும் கட்சிகள் தயாராகிக்கொண்டிருக்கின்றன.
இந்நிலையில் நடிகர் பவர் ஸ்டார் சீனிவாசன் தென்சென்னை தொகுதியில் இந்திய குடியரசுக் கட்சி சார்பில் போட்டியிடப்போவதாக கூறினார். இன்னும் ஓரிரு நாட்களில் செய்தியாளர்களை சந்தித்து தேர்தல் அறிக்கையை வெளியிடப்போவதாகவும் அவர் கூறியுள்ளார்.
