கணவர் ஆட்டோ ஓட்ட பின்னால் அமர்ந்து வாக்கு சேகரிக்கும் வேட்பாளர்!

Publish: Wed, 17 Mar 2021 (09:01 IST) Updated: Wed, 17 Mar 2021 (09:03 IST)

தமிழகத்தில் தேர்தல் நாள் நெருங்கியுள்ளதை அடுத்து வேட்பாளர்கள் தீவிரமாக பிரச்சாரம் மேற்கொண்டு வருகின்றனர்.

தேர்தல் என்பது இப்போதெல்லாம் பணத்தைக் கொட்டி வாக்குகளை வாங்குவது என்பது எழுதப்படாத விதியாகிவிட்டது. கட்சி வித்தியாசம் இல்லாமல் எல்லா வேட்பாளர்களுமே பணத்தை தண்ணீராய் இரைத்து தேர்தல் செலவுகளை செய்து வருகின்றனர். ஆனாலும் ஒன்றிரண்டு விதிவிலக்குகள் இருக்கதான் செய்கின்றன.

அந்த வகையில் திருப்பரங்குன்றம் தொகுதியின் மார்க்சிஸ்ட் கட்சி வேட்பாளராய் அறிவிக்கப்பட்ட பொன்னுத்தாயி தொகுதியில் ஆட்டோவில் சென்று வாக்கு சேகரித்து வருகிறார். ஆட்டோவை அவரின் கணவர் கருணாநிதி ஓட்டிச்சென்று வருகிறார். மிகவும் எளிமையான முறையில் வாக்கு சேகரிக்கும் அவரின் புகைப்படம் இணையத்தில் வைரலாகி வருகிறது.