தொடர்புடைய செய்திகள்
- 400 இடங்களுக்கு மேல் வெற்றி பெறுவோம் என பேசுவது திமிர்த்தனம்: நடிகர் பிரகாஷ்ராஜ்
- அதிமுக கொடுத்த துணை முதல்வர் வாக்குறுதி? குஷியில் கூட்டணிக்கு ஒப்புக்கொண்ட பாமக.. அண்ணாமலை அதிர்ச்சி..!
- எடப்பாடியாரை சந்தித்த பாமக எம்.எல்.ஏ.. உறுதியாகிறது அதிமுக – பாமக கூட்டணி? – நாளை அறிவிப்பு வெளியாக வாய்ப்பு!
- 40 தொகுதிகளிலும் தனித்து போட்டியிடுகிறதா தேமுதிக? விருப்பமனு விநியோகம் தொடக்கம்!
- அதிமுக - தேமுதிக இன்று மாலை மீண்டும் பேச்சுவார்த்தை.. மாநிலங்களவை சீட் கிடைக்குமா?
கடைசி வரை சஸ்பென்ஸ் வைக்கும் பாமக.. முடிவில் திடீர் மாற்றம்..!
பாராளுமன்ற தேர்தலுக்கு வேட்புமனு தாக்கல் இன்னும் இரண்டு நாட்களில் தொடங்க இருக்கும் நிலையில் நேற்று வரை அதிமுக கூட்டணியுடன் பாமக இணைவது உறுதி செய்யப்பட்டதாக செய்திகள் வெளியான நிலையில் தற்போது திடீரென பாஜக கூட்டணியில் இணைய மீண்டும் பாமக பேச்சுவார்த்தை நடத்தி வருவதாக தகவல் வெளியாகியுள்ளது.
தமிழக அரசியல் கட்சிகளிலே மிகவும் குழப்பமான கட்சிகளாக பாமக மற்றும் தேமுதிக இருப்பதாகவும் எந்த கூட்டணியில் இணைவது என்ற ஒரு கொள்கை முடிவு இல்லாமல் யார் அதிக சீட் தருகிறார்கள்? யார் அதிக பணம் தருகிறார்கள் என்ற பேச்சு வார்த்தையில் மட்டுமே ஈடுபட்டு வருவதாக அரசியல் விமர்சகர்கள் குற்றம் தாட்டி வருகின்றனர்.
அதை போல் தினமும் ஒரு கட்சியுடன் கூட்டணி பேச்சு வார்த்தை நடத்தி வரும் இரு கட்சிகள் நேற்று வரை அதிமுகவுடன் கிட்டத்தட்ட கூட்டணி உறுதி செய்யப்பட்டு விட்டதாக கூறப்பட்டது.
ஆனால் தற்போது வந்துள்ள தகவலின்படி பாஜக பக்கம் பாமக செல்ல உள்ளதாகவும் இது குறித்த முடிவு எடுக்கப்பட்டு இருப்பதாகவும் கூறப்படுகிறது. இன்று தைலாபுரம் தோட்டத்தில் நடந்த கூட்டத்தில் பாமக நிறுவனர் ராமதாஸ், தலைவர் அன்புமணி, ஜி கே மணி பங்கேற்று பாஜக கூட்டணியில் இணைவது என்று முடிவு எடுக்கப்பட்டுள்ளதாக கூறப்படுகிறது.
Edited by Mahendran
