தொடர்புடைய செய்திகள்
- இன்ஸ்டாகிராம் இளைஞரோடு காதல்.. குழந்தைகளை அனாதையாக விட்டு ஓடிய தாய்!
- சேலத்தில் 2 வாக்காளர்கள் உயிரிழப்பு: அறிக்கை கேட்ட சத்யபிரத சாஹு..!
- #பதில்_சொல்லுங்கள்_மோடி..''உங்கள் வாக்குறுதி எங்கே போனது?''- அமைச்சர் உதயநிதி
- திருமாவளவனுக்கு ஆதரவாக அமைச்சர் உதயநிதி பிரசாரம்
- பிரதமரின் தூக்கம் கலைந்துள்ளது- முதல்வர் மு.க.ஸ்டாலின்
அதிகபட்ச வெப்பநிலை.! இந்தியாவிலேயே 3வது இடத்தை பிடித்த சேலம்..!
இந்தியாவிலேயே அதிகபட்ச வெப்பநிலை பதிவான இடங்களில் சேலம் 3வது இடத்தை பிடித்துள்ளது என்று வானிலை ஆய்வு மையம் அதிர்ச்சி தகவலை தெரிவித்துள்ளது.
தமிழ்நாட்டில் கடந்த பிப்ரவரி மாதம் முதல் தொடர்ந்து வெப்பம் அதிகரித்து வருகிறது. கடந்த சில நாட்களாக கோடை மழை சில இடங்களில் பெய்தது. இதனால் ஓரளவு வெப்பம் என்பது தணிந்தது. ஆனால் தற்போது மீண்டும் வெப்பநிலை என்பது அதிகரிக்க தொடங்கி உள்ளது.
தமிழகத்தில் கடந்த ஒரு வாரமாக வெப்ப அலை வீசி வருவதால் பொதுமக்கள் பாதுகாப்பாக இருக்க வேண்டும் என வானிலை ஆய்வு மையம் தெரிவித்துள்ளது.
இந்நிலையில் இந்தியாவிலேயே அதிகபட்ச வெப்பநிலை பதிவான இடங்களில் சேலம் 3வது இடத்தை பிடித்துள்ளது என்று வானிலை ஆய்வு மையம் அதிர்ச்சி தகவலை தெரிவித்துள்ளது. நேற்று சேலத்தில் 108.14 டிகிரி பாரன்ஹீட் வெப்பம் பதிவானதாக கூறப்பட்டுள்ளது.
நேற்று ஆந்திர மாநிலம் அனந்தபூரில் 110.3 டிகிரி, ஒடிசா மாநிலத்தில் 109.04 டிகிரி பாரன்ஹீட் வெப்பம் பதிவாகியுள்ளதாக தெரிவிக்கப்பட்டுள்ளது.
