வெற்றிகரமாக விண்ணில் பாய்ந்தது எஸ்.எஸ்.எல்.வி., - டி2 ராக்கெட்: விஞ்ஞானிகள் மகிழ்ச்சி!

Written By: Siva

Updated: Fri, 10 Feb 2023 (09:50 IST)

இஸ்ரோவின் புவி கண்காணிப்பு உள்பட மூன்று செயற்கைக்கோள்கள் கொண்ட ஸ்.எஸ்.எல்.வி., - டி2 ராக்கெட் சற்று முன் வெற்றிகரமாக விண்ணில் பாய்ந்தது என இஸ்ரோ நிறுவனம் அதிகாரபூர்வமாக தெரிவித்துள்ளது.

750 பள்ளி மாணவர்கள் உருவாக்கிய ஆசாதி சாட் உள்பட 3 செயற்கைக்கோள்கள் இந்த ராக்கெட்டில் அனுப்பப்பட்டுள்ளதாகவும், ராக்கெட்டில் செலுத்தப்பட்ட மூன்று செயற்கைக்கோள்களும் வெற்றிகரமாக நிலை நிறுத்தப்பட்டதாகவும் இஸ்ரோ தலைவர் சோம்நாத் தெரிவித்துள்ளார்.

இந்த ராக்கெட்டுக்கான கவுண்ட்டவுன் இன்று காலை தொடங்கிய நிலையில் சரியாக 9 18 மணிக்கு விண்ணில் பாய்ந்தது என்றும் இதில் செலுத்தப்பட்ட முக்கிய செயற்கைக்கோளில் ஒன்றான இஓஎஸ் புவியை கண்காணிக்கும் என்றும் இஸ்ரோ தலைவர் சோம்நாத் தெரிவித்துள்ளார்.

Edited by Siva

அடுத்த கட்டுரையில்