1. விளையாட்டு
  2. கிரிக்கெட்
  3. செய்திகள்
Written By Sinoj
Last Updated : வியாழன், 5 அக்டோபர் 2023 (15:33 IST)

உலக கோப்பை தொடர் - டூடுல் வெளியிட்ட கூகுள்!

tootles
ஐசிசி ஒருநாள் உலகக்கோப்பை கிரிக்கெட் போட்டி  இன்று (அக்டோபர் 5ம் தேதி) முதல் இந்தியாவில் நடைபெற உள்ளது.

உலகக் கோப்பை தொடருக்காக  சமீபத்தில்  10  நாட்டு அணியைச் சேர்ந்த வீரர்களும் அறிவிக்கப்பட்டனர்.

இந்த நிலையில், 50 ஓவர் உலகக் கோப்பை போட்டியில் பயிற்சி ஆட்டம் முடிந்து இன்று முதல் போட்டி தொடங்கியுள்ளது. 

உலக கிரிக்கெட் ரசிகர்கள் ஆவலோடு எதிர்பார்த்துள்ள  இத்தொடரின் முதல் போட்டி இன்று குஜராத்தின் அகமதாபாத் நகரில் உள்ள நரேந்திரமோடி மைதானத்தில் நடைபெறுகிறது.

இன்றைய போட்டியில், இங்கிலாந்துக்கு எதிரான போட்டியில், நியூசிலாந்து அணி டாஸ் வென்று பந்து வீச்சு தேர்வு செய்துள்ள நிலையில் இங்கிலாந்து அணி பேட்டிங் செய்து வருகிறது.

இந்த போட்டியைக் காண ரசிகர்கள் குறைவான அளவில் மைதானத்திற்கு வருகை தந்துள்ளனர். எனவே, பெரும்பாலான ரசிகர்களின் இருக்கைகள் காலியாகவே உள்ளது.

இந்த நிலையில்,  இன்று உலகக் கோப்பை போட்டி  தொடங்கியதை சிறப்பிக்கும் வகையில் கூகுள் டூடுள் வெளியிட்டுள்ளது.