மைதானத்தில் இருந்து பாதியிலேயே வெளியேறிய பொல்லார்ட்!
வெஸ்ட் இண்டீஸ் அணியின் கேப்டன் கைரன் பொல்லார்ட் பேட்டிங் செய்துகொண்டிருந்த போது பாதியிலேயே வெளியேறினார்.
டி 20 உலகக்கோப்பை தொடரின் சூப்பர் 12 போட்டிகள் இப்போது நடந்து வருகின்றன. இதில் அதிர்ச்சி அளிக்கும் விதமாக நடப்பு சாம்பியன் வெஸ்ட் இண்டீஸ் இங்கிலாந்து மற்றும் தென் ஆப்பிரிக்கா ஆகிய இரு அணிகளிடமும் தோல்வியை சந்தித்துள்ளது. இதனால் மீதமுள்ள அனைத்துப் போட்டிகளையும் வென்றால் கூட அந்த அணி அரையிறுதிக்கு செல்வதற்கான வாய்ப்புகள் குறைவாகவே உள்ளன.
இதையடுத்து இன்று பங்களாதேஷுக்கு எதிரான போட்டியில் வெஸ்ட் இண்டீஸ் அணி 142 ரன்கள் சேர்த்தது. மூத்த வீரர்கள் அனைவரும் சொதப்பினர். முக்கியமாக கேப்டன் பொல்லார்ட் 16 பந்துகளில் 8 ரன்கள் சேர்த்திருந்த போது திடீரென மைதானத்தில் இருந்து வெளியேறினார். அதற்கான காரணம் என்னவென்று இப்போது வரை வெளியாகவில்லை.
