சச்சினைப் பார்த்து கத்துக்கோங்க… ஒரே மாதிரி அவுட் ஆகும் கோலிக்கு ரசிகர்கள் அறிவுரை!

Publish: Mon, 16 Dec 2024 (15:19 IST) Updated: Mon, 16 Dec 2024 (15:23 IST)

2024 ஆம் ஆண்டு இந்திய நட்சத்திர கிரிக்கெட் வீரர் கோலிக்கு ஒரு சோகமான ஆண்டாக உள்ளது. இந்த ஆண்டில் அவர் டெஸ்ட் மற்றும் ஒருநாள் போட்டிகளில் சராசரியாக 25 ரன்கள்தான் சேர்த்து வருகிறார். விரைவில் ஆஸ்திரேலியா அணிகளுக்கு எதிரான டெஸ்ட் போட்டி நடக்கவுள்ள நிலையில் கோலியின் ஃபார்ம் கவலையளிக்கிறது.

ஆனால் ஆஸ்திரேலியாவில் எப்போதுமே கோலி மிகச் சிறப்பாக விளையாடி ரன்களை சேர்த்து வந்துள்ளார். அதனால் அவர் தன்னுடைய ஃபார்மை மீட்டுக்கொள்ள இந்த தொடர் உதவும் என எதிர்பார்க்கப்பட்டது. ஆனால் முதல் டெஸ்ட்டில் அடித்த ஒரு சதத்தைத் தவிர மற்ற இன்னிங்ஸ்களில் மோசமாக ஆடி சொதப்பி வருகிறார்.

இந்த தொடரில் அவர் அவுட்டான ஐந்து முறையுல் ஆஃப் ஸ்டம்புக்கு வெளியே செல்லும் பந்துகளில்தான். இந்நிலையில் இதே போல ஒரு சூழலில் 2004 ஆம் ஆண்டு சச்சின் ஆஃப் ஸ்டம்ப்புக்கு வெளியே செல்லும் பந்தில் அவுட்டான போது சிட்னியில் நடந்த போட்டியில் ஆஃப் ஸ்டம்புக்கு வெளியே வீசப்பட்ட அனைத்துப் பந்துகளையும் அடிக்காமல் விட்டு அந்த போட்டியில் இரட்டை சதமடித்து அசத்தினார். அதே போல கோலியும் செயல்பட வேண்டும் என தற்போது ரசிகர்கள் அறிவுரை சொல்ல ஆரம்பித்துள்ளனர்.