இன்னைக்கு தோற்றால் சோலி முடிஞ்சது.. வாழ்வா சாவா போராட்டத்தில் குஜராத் டைட்டன்ஸ்! – இன்று CSK vs GT மோதல்!

ஐபிஎல் போட்டியில் லீக் போட்டிகள் இறுதி கட்டத்தை எட்டியுள்ள நிலையில் இன்று சென்னை சூப்பர் கிங்ஸ் அணியும், குஜராத் டைட்டன்ஸ் அணியும் மோதிக் கொள்கின்றன.

இதுவரை 11 போட்டிகளில் விளையாடியுள்ள சென்னை அணி 6 வெற்றிகளை பெற்று 12 புள்ளிகளுடன் நான்காவது இடத்தில் உள்ளது. ப்ளே ஆப் வாய்ப்பை தக்க வைக்க மீதமுள்ள 3 போட்டிகளில் 2 போட்டிகளிலாவது வெல்ல வேண்டிய கட்டாயத்தில் சிஎஸ்கே உள்ளது.

குஜராத் டைட்டன்ஸ் அணி 11 போட்டிகளில் விளையாடி 4 போட்டிகளில் மட்டுமே விளையாடி 8 புள்ளிகளுடன் பட்டியலில் கடைசி இடத்தில் உள்ளது. இனிவரும் 3 போட்டிகளிலும் குஜராத் அணி தொடர்ந்து வெற்றி பெற்றாலும் கூட ப்ளே ஆப் நுழைவது கடினமான காரியமே. இந்நிலையில் இன்றைய போட்டியில் குஜராத் அணி தோற்றால் மும்பை, பஞ்சாப் அணிகளை தொடர்ந்து அதிகாரப்பூர்வமாக 3வது அணியாக குஜராத் டைட்டன்ஸ் வெளியேறும்.

ALSO READ: தோனிக்கு காலில் காயம்.. அதுக்காக எல்லாரும் தோனி ஆகிட முடியாது..! – சிஎஸ்கே பயிற்சியாளர் ப்ளெமிங் பதிலடி!

முன்னதாக இந்த சீசன் தொடங்கியபோதே குஜராத்தை வென்று சென்னை அணி முதல் வெற்றியோடு சீசனை தொடங்கியிருந்தது. அதுவும் 206 இலக்கை நோக்கி பயணித்த குஜராத்தை சென்னை அணி 143ல் அடக்கியிருந்தது.

இதனால் இன்றைய சென்னை – குஜராத் இடையேயான போட்டி மிகவும் எதிர்பார்க்கப்படுகிறது. ஆர்சிபி அணியும் கிட்டத்தட்ட வெளியேறிவிட்ட நிலையில் திடீரென தொடர் வெற்றிகளை பெற்று ஃபார்முக்கு வந்தது போல குஜராத்தும் கம்பேக் தருமா என்ற எதிர்பார்ப்பு உள்ளது.

Edit by Prasanth.K