உலக அழகியானா‌ர் 23 வயது சீன மாணவி!

Publish: Sun, 19 Aug 2012 (09:02 IST) Updated: Sun, 19 Aug 2012 (09:00 IST)

FILE

2012ஆம் ஆண்டிற்கான உலக அழகி ப‌ட்ட‌த்தை ‌சீனாவைச் சேர்ந்த யூ வெங்ஷியா எ‌ன்ற 23 வயது மாண‌வி த‌ட்டி‌ச் செ‌ன்றா‌ர். 7வது இட‌த்தைதா‌ன் இந்திய அழகி வான்ய மிஷ்ராவா‌ல் ‌பிடி‌க்க முடி‌ந்தது.

சீனாவின் ஓர்டோஸ் நகரில் 2012 ஆம் ஆண்டிற்கான உலக அழகிப் போட்டி நே‌ற்‌றிரவு நடைபெற்றது. அதில் உலகம் முழுவதும் இருந்து 116 அழகிகள் பங்கேற்றனர்.

இந்தியாவின் சார்பில் பஞ்சாப் மாநிலம் ஜலந்தரைச் சேர்ந்த வான்ய மிஷ்ரா கலந்து கொண்டார். பல்வேறு சுற்றுகளாக நடைபெற்ற இந்தப் போட்டியில், சீனாவைச் சேர்ந்த 23 வயது மாண‌வி யூ வெங்ஷியா உலக அழகியாகத் தேர்வு செய்யப்பட்டார். சீனாவைச் சேர்ந்த ஒருவர் உலக அழகியாக தேர்வு செய்யப்படுவது இது 2வது முறையாகும்.

உலக அழகியாக தேர்வு செய்யப்பட்ட வெங்ஷியாவுக்கு, கடந்த ஆண்டு உலக அழகியாக தேர்வு செய்யப்பட்ட வெனிசுலேவின் இவியான் சர்கோஸ், கீரிடம் சூட்டினார்.

வேல்ஸ் நாட்டைச் சேர்ந்த சோபி மோல்ஸ் இரண்டாவது இடம் பிடித்தார். மூன்றாவது இடத்தை ஆஸ்‌ட்ரேலிய அழகி ஜெசிக்கா கஹாட்டி தட்டிச் சென்றார்.
இசை பயிலும் மாணவி யூ வெங்ஷியா , இசை ஆசிரியராக வர வேண்டும் என்பதே தமது விருப்பம் என கூ‌றியு‌ள்ளா‌ர்.

7வதாக வந்த இந்திய அழகி வான்ய மிஸ்ரா, சோஷியல் நெட்வொர்க்கிங் ஸ்கில்ஸ், பியூட்டி வித் பர்ப்பஸ் என்ற இரு பிரிவுகளில் பட்டம் வென்றா‌ர்.