வீழ்ந்தார் சர்கோஸி; பிரான்ஸ் அதிபரானார் ஹாலண்டே
FILE
நேற்று நடைபெற்ற இரண்டாம் சுற்று வாக்குப்பதிவு முடிந்ததும் தேர்தல் முடிவுகள் வெளியாகத் தொடங்கின. இதில் ஹாலண்டேவுக்கு சுமார் 52 சதவீதமும், சர்கோஸிக்கு சுமார் 48 சதவீதமும் வாக்குகள் பதிவாகியுள்ளன.
1995க்குப் பிறகு சோஷலிச தலைவர் ஒருவர் பிரான்ஸ் அதிபராக தேர்வாவது இதுவே முதல் முறையாகும்.
வெற்றி பெற்ற ஹாலண்டே, குறைந்தபட்ச ஊதியம், 60 ஆயிரத்துக்கும் அதிகமான ஆசிரியர்கள் நியமனம், சில ஊழியர்களுக்கான ஓய்வு வயதை 62-லிருந்து 60-ஆக குறைப்பது ஆகிய சீர்திருத்தங்களை மேற்கொள்ள திட்டமிட்டுள்ளார்.
FILE
அதிபர் ஒருவர் அடுத்த தேர்தலில் தோற்றுப் போவது 1958-வது ஆண்டுக்குப் பிறகு இது இரண்டாவது முறையாகும். இதற்கு முன்பு வலேரி கிஸ்கார்ட் டி'எஸ்டெய்ங் என்ற அதிபர் 1981-ல் நடைபெற்றத் தேர்தலில் சோஷலிச வேட்பாளர் பிராங்காய்ஸ் மிட்டர்ரன்ட் என்பவரால் தோற்கடிக்கப்பட்டார்.
