அப்பாவ விட ரொம்ப எமோஷனலா இருக்கானே!.. குஜராத் தோல்வியால் அழுத நெஹ்ரா மகன்!

Publish: Sat, 31 May 2025 (13:25 IST) Updated: Sat, 31 May 2025 (13:26 IST)

ஐபிஎல் தொடரில் நேற்று மும்பை மற்றும் குஜராத் அணிகளுக்கு இடையே எலிமினேட்டர் போட்டி நடைபெற்ற நிலையில், முதலில் பேட்டிங் செய்த மும்பை அணி மிக அபாரமாக பேட்டிங் செய்து, 20 ஓவர்களில் ஐந்து விக்கெட்டுகளை இழந்து 228 ரன்கள் எடுத்துள்ளது.   அந்த அணியின் முன்னாள் கேப்டன் ரோஹித் ஷர்மா 50 பந்துகளில் 81 ரன்கள் அடித்தார். அவர் 9 நான்கு, சிக்ஸர்கள் அடித்தார் என்பது குறிப்பிடத்தக்கது.

இதையடுத்து பேட் செய்த குஜராத் டைட்டன்ஸ் அணி ஆரம்பத்திலேயே ஷுப்மன் கில்லின் விக்கெட்டை இழந்தாலும் சாய் சுதர்சன் மற்றும் வாஷிங்டன் சுந்தர் ஆகியோர் சிறப்பாக விளையாடி இலக்கைத் துரத்தினர். ஆனாலும் தேவைப்படும் ரன்கள் அதிகமாக இருந்ததாலும், அவ்வப்போது விக்கெட்கள் விழுந்ததாலும் அந்த அணியால் இலக்கை எட்டமுடியவில்லை. 20 ஓவர்கள் முடிவில் 6 விக்கெட்களை இழந்து 208 ரன்கள் மட்டுமே சேர்க்க முடிந்தது.

இந்த தோல்வியால் குஜராத் அணி ஐபிஎல் தொடரை விட்டு வெளியேறியது. அதைத் தாங்கிக் கொள்ள முடியாமல் அந்த அணியின் பயிற்சியாளர் ஆஷிஷ் நெஹ்ராவின் மகன் அழுதபடி காணப்பட்டார். இது சம்மந்தமான வீடியோ துணுக்கு இணையத்தில் வைரல் ஆகிவருகிறது. நெஹ்ராவும் இதுபோல் களத்தில் உணர்ச்சிகளை அதிகமாக வெளிப்படுத்தக் கூடியவர் என்பது குறிப்பிடத்தக்கது.