இலங்கையில் தள்ளாடும் ராஜபக்ஷே அரசு! – ஆதரவை வாபஸ் பெற்ற கூட்டணி கட்சி!
இலங்கையில் ஆளும் ராஜபக்ஷே அரசை எதிர்த்து மக்கள் போராட்டம் நடத்தி வரும் நிலையில் கூட்டணி கட்சி ஆதரவை வாபஸ் வாங்கியது பரபரப்பை ஏற்படுத்தியுள்ளது.
இலங்கை பெரும் பொருளாதார நெருக்கடியை சந்தித்துள்ள நிலையில் ஆளும் ராஜபக்ஷே அரசுக்கு எதிராக மக்கள் திரண்டு வீதிகளில் போராட்டம் நடத்த தொடங்கியுள்ளனர். இந்நிலையில் நேற்று ராஜபக்ஷே தவிர்த்து பிற அமைச்சர்கள் அனைவரும் பதவி விலகிய நிலையில் புதிய அமைச்சர்கள் பதவி நியமனம் செய்யப்பட்டனர்.
தொடர்ந்து இலங்கை அரசியல் சூழல் ஸ்திரத்தன்மையற்று போயுள்ள நிலையில் ராஜபக்ஷே அரசுக்கு ஆதரவளித்து வந்த இலங்கை தொழிலாளர் காங்கிரஸ் கட்சி ஆதரவை வாபஸ் பெற்றுள்ளது. இதனால் இலங்கை அரசியலில் மேலும் பரபரப்பு நிலவி வருகிறது.
