ஐபிஎல் 2022: லக்னோ அணி பயிற்சியாளர் அறிவிப்பு!
2022 ஆம் ஆண்டின் ஐபிஎல் தொடரில் கூடுதலாக இரண்டு அணிகள் அறிமுகப்படுத்தப்பட்டன என்பதும் அகமதாபாத் மற்றும் லக்னோ ஆகிய இரண்டு அணிகள் பயிற்சியாளர்கள் தேர்வு செய்யப்பட்டு வருகிறார்கள் என்பதையும் பார்த்து வருகிறோம்
நேற்று அகமதாபாத் அணியின் பயிற்சியாளர் ஆஷிஸ் நெஹ்ரா என அறிவிக்கப்பட்ட நிலையில் தற்போது லக்னோ அணியின் பயிற்சியாளர் குறித்த தகவல் வெளியாகியுள்ளது
2022ஆம் ஆண்டு ஐபிஎல் தொடரில் விளையாட உள்ள இரண்டு புதிய அணிகளில் ஒன்றான லக்னோ அணிக்கு ஜிம்பாப்வே அணியின் முன்னாள் வீரர் ஆன்டி பிளவர் தலைமை பயிற்சியாளராக நியமனம் செய்யப்படுவதாக அந்த அணியின் நிர்வாகம் அதிகாரப்பூர்வமாக அறிவித்துள்ளது
ஏற்கனவே இந்த அணியின் வழிகாட்டும் நபராக கௌதம் காம்பீர் நியமனம் செய்யப்பட்டுள்ள நிலையில் தற்போது ஆண்டி பிளவர் தலைமை பயிற்சியாளராக நியமனம் செய்யப்பட்டுள்ளார் என்பது குறிப்பிடத்தக்கது
