வியாழன், 28 மார்ச் 2024
  1. செய்திகள்
  2. செய்திகள்
  3. த‌மிழக‌ம்
Written By Prasanth Karthick
Last Modified: வெள்ளி, 7 மே 2021 (11:27 IST)

மீண்டும் கழக ஆட்சி தலைவரே! – தந்தை படத்திற்கு மரியாதை செலுத்தி கண் கலங்கிய ஸ்டாலின்!

தமிழக முதல்வராக பதவியேற்ற மு.க.ஸ்டாலின் கோபாலபுரம் இல்லத்தில் கருணாநிதி படத்திற்கு கண்ணீருடன் மரியாதை செலுத்தினார்.

தமிழக சட்டமன்ற தேர்தலில் திமுக தனிப்பெரும்பான்மை பெற்ற நிலையில் இன்று ஆளுனர் முன்பாக மு.க.ஸ்டாலின் முதலமைச்சராக பதவியேற்றார். இதை தொடர்ந்து பல்வேறு அரசியல், திரை பிரபலங்களும் அவருக்கு வாழ்த்து தெரிவித்து வருகின்றனர்.

இந்நிலையில் பதவியேற்பு விழா முடிந்து கோபாலபுரம் இல்லம் சென்ற மு.க.ஸ்டாலின் அங்குள்ள திமுக முன்னாள் தலைவரும், தனது தந்தையுமான கருணாநிதி உருவ படத்திற்கு மலர்தூவி மரியாதை செலுத்தினார். கடந்த 10 ஆண்டுகளாக தீவிர முயற்சிக்கு பிறகு தற்போது கழக ஆட்சியை அமைத்துள்ள நிலையில் கருணாநிதிக்கு மரியாதை செலுத்தியபோது அவர் கண் கலங்கினார். இந்நிலையில் தற்போது கோபாலபுரத்திலிருந்து புறப்பட்டு மெரீனா கடற்கரையில் உள்ள கருணாநிதி, அண்ணா நினைவிடத்திற்கு புறப்பட்டுள்ளார்.