சிலிண்டர் விலை குறைப்பு: இருப்பினும் சோகத்தில் இல்லத்தரசிகள்!
ஒவ்வொரு மாதமும் 1ஆம் தேதி சிலிண்டர் விலையில் மாற்றம் ஏற்படும் என்பதை பார்த்து வருகிறோம். அந்த வகையில் ஆகஸ்டு 1ஆம் தேதி இன்று சிலிண்டர் விலையில் மாற்றம் ஏற்பட்டுள்ளதாக அறிவிக்கப்பட்டுள்ளது
இன்று எண்ணெய் நிறுவனங்கள் வெளியிட்டுள்ள அறிவிப்பில் வணிகப் பயன்பாட்டுக்கான சிலிண்டர் விலையை குறைக்க பட்டதாகவும் ஆனால் அதே நேரத்தில் வீட்டு உபயோகத்திற்காக சிலிண்டர் விலையில் எந்தவித மாற்றமும் இல்லை என்றும் அறிவிக்கப்பட்டுள்ளது
சென்னையில் வணிகப் பயன்பாட்டுக்கான சிலிண்டரின் விலை ரூபாய் 36.50 குறைந்து ரூ.2,141 என்ற விலைக்கு விற்பனையாகி வருகிறது. வீட்டு உபயோகத்திற்கான சிலிண்டர் விலையில் மாற்றம் இன்றி ரூ.1168.00 என்ற விலைக்கு விற்பனை செய்யப்படுகிறது
வணிகப்பயன்பாட்டிற்கான சிலிண்டர் விலை குறைக்கப்பட்டாலும் வீட்டு உபயோகத்திற்கான சிலிண்டர் விலை குறைக்கப்படாததால் இல்லத்தரசிகள் மத்தியில் பெரும் சோகத்தை ஏற்படுத்தி உள்ளது.
