முதலாம் ஆண்டு பொறியியல் வகுப்புகள் தொடங்குவது எப்போது? அண்ணா பல்கலை அறிவிப்பு..!
அண்ணா பல்கலைக்கழகம், பொறியியல் முதலாமாண்டு மாணவர்களுக்கான வகுப்புகள் தொடங்கும் தேதியை அறிவித்துள்ளது.
அண்ணா பல்கலைக்கழகத்தின் நேரடிக் கட்டுப்பாட்டில் உள்ள வளாக கல்லூரிகளில், பி.இ. மற்றும் பி.டெக். படிப்புகளுக்கான வகுப்புகள் ஆகஸ்ட் 11-ஆம் தேதி தொடங்கும். அதற்கு முன்னதாக, ஆகஸ்ட் 5 முதல் ஆகஸ்ட் 9 வரை அறிமுக வகுப்புகள் நடைபெறும்.
அண்ணா பல்கலைக்கழகத்தின் கீழ் செயல்படும் பிற தனியார் பொறியியல் கல்லூரிகளில், முதலாமாண்டு வகுப்புகள் ஆகஸ்ட் 18-ஆம் தேதி தொடங்கும்.
முதல் செமஸ்டர் தேர்வுகள் டிசம்பர் 16-ஆம் தேதி தொடங்கும். இந்த தேர்வுகள் முடிந்த பிறகு, அடுத்த செமஸ்டர் வகுப்புகள் ஜனவரி 5-ஆம் தேதி முதல் தொடங்கும்.
பொறியியல் மாணவர் சேர்க்கைக்கான கலந்தாய்வு ஆகஸ்ட் 23-ஆம் தேதி நிறைவடைகிறது என்பது குறிப்பிடத்தக்கது.
Edited by Siva
