அமித்ஷாவை அடுத்து மேலும் ஒரு மத்திய அமைச்சருக்கு கொரோனா!

Publish: Tue, 4 Aug 2020 (20:01 IST) Updated: Tue, 4 Aug 2020 (20:04 IST)

மத்திய பெட்ரோலிய துறை அமைச்சர் தர்மேந்திர பிரதானுக்கு கொரோனா

தமிழகம் உள்பட இந்தியா முழுவதும் நாளுக்கு நாள் கொரோனா வைரஸ் பாதிப்பு அதிகரித்து கொண்டே வருகிறது. மாநில சுகாதார அமைச்சகம், மத்திய சுகாதார அமைச்சகம் வைரஸிலிருந்து பொது மக்களை காப்பாற்ற தீவிர நடவடிக்கைகளை எடுத்து வருகின்றன. இருப்பினும் கொரோனா வைரஸ் என்பது பாதிப்பைக் கட்டுப்படுத்த முடியாமல் அரசுகள் திண்டாடி வருகின்றன என்பது குறிப்பிடத்தக்கது 

கடந்த சில நாட்களாக அப்பாவி பொதுமக்கள் மட்டுமின்றி பதவியில் இருக்கும் எம்பிக்கள், எம்எல்ஏக்கள், அமைச்சர்கள் உள்பட பிரபலங்களும் கொரோனா வைரசால் பாதிக்கப்பட்டு மருத்துவமனைகளில் சிகிச்சை பெற்று வருகின்றனர் என்ற செய்தியை ஏற்கனவே பார்த்து வருகிறோம். குறிப்பாக மத்திய உள்துறை அமைச்சர் அமித் ஷா உள்பட பல பிரபலங்களுக்கு கொரோனா பாதிப்பு ஏற்பட்டுள்ளது என்பது குறிப்பிடத்தக்கது 

அந்த வகையில் தற்போது மத்திய பெட்ரோலியத் துறை அமைச்சர் தர்மேந்திர பிரதான் அவர்களுக்கு கொரோனா வைரஸ் தொற்று உறுதி செய்யப்பட்டுள்ளது. கடந்த சில நாட்களாக அவருக்கு கொரோனா அறிகுறி இருந்த நிலையில் தற்போது சோதனை மூலம் கொரோனா உறுதி செய்யப்பட்டுள்ளதாகவும் இதனையடுத்து அவர் மருத்துவமனையில் அனுமதிக்கப்பட்டு சிகிச்சை பெற்று வருவதாகவும் தகவல்கள் வெளிவந்துள்ளன