ஒன் ப்ளஸ் புதிய மாடல்களுக்கு 6 ஆயிரம் ஆஃபர்! - ஆறாவது ஆண்டு அதிரடி!
இந்தியாவில் மொபைல் விற்பனையில் முக்கிய இடம் வகிக்கும் ஒன் ப்ளஸ் நிறுவனம் தனது புதிய மாடல் மொபைல்களுக்கு 6 ஆயிரம் வரை ஆஃபர்களை அறிவித்துள்ளது.
ஒன் ப்ளஸ் நிறுவனம் தொடங்கி 6 ஆண்டுகள் நிறைவுற்றதை கொண்டாடும் வகையில் ஒன் ப்ளஸ் 7 ப்ரோ, ஒன் ப்ளஸ் 7டி மற்றும் ஒன் ப்ளஸ் 7டி ப்ரோ ஆகிய புதிய மாடல் மொபைல்களை அறிமுகம் செய்ய உள்ளார்கள்.
இந்த மொபைல்களை எச்.டி.எப்.சி கார்டுகள் மூலம் வாங்கினால் 7 ப்ரோவுக்கு 2000 ரூபாயும், 7டி-க்கு 1500 ரூபாயும், 7டி ப்ரோவுக்கு 3000 ரூபாயும் சலுகை வழங்கப்படுகிறது. இது தவிர அமேசான் போன்ற ஆன்லைன் தளங்களிலும் 6 மாத வட்டியில்லா தவணை திட்டத்தில் வாங்கி கொள்ளலாம் என அந்நிறுவனம் கூறியுள்ளது.
ஏற்கனவே ஒன் ப்ளஸ் மொபைல்களை பயன்படுத்தி வருபவர்கள் அமேசான் மற்றும் ஒன் ப்ளஸ் அதிகாரப்பூர்வ தளங்கள் மூலமாக எக்ஸ்சேஞ் முறையில் பழைய ஒன் ப்ளஸ் மொபைல்களை கொடுத்து புதிய 7 ப்ரோ மாடல்களை பெற்றுக்கொள்ளலாம் என தெரிவித்துள்ளனர்.
புதியதாக அறிமுகமாகும் ஒன் ப்ளஸ் 7 ப்ரோ 48,999 ரூபாய்க்கும், 7டி மாடல் 37,999 ரூபாய்க்கும், 7டி ப்ரோ மாடல் 53,999 ரூபாய்க்கும் விற்பனையாகும் என்பது குறிப்பிடத்தக்கது.
