உஸ்மான் கவாஜாவுக்காக ஹாம்ப்பய்ன் கொண்டாட்டத்தை நிறுத்திய பேட் கம்மின்ஸ்!

Updated: Tue, 18 Jan 2022 (15:33 IST)

ஆஷஸ் தொடரை 4-0 என்ற கணக்கில் வென்று மகிழ்ச்சியின் உச்சத்தில் இருக்கிறது ஆஸ்திரேலிய அணி.

தான் கேப்டனாக பொறுப்பேற்ற முதல் தொடரிலேயே வெற்றி பெற்று தனது முத்திரையைப் பதித்துள்ளார் பேட் கம்மின்ஸ். இந்நிலையில் ஐந்தாவது டெஸ்ட் முடிந்தவுடன் கோப்பையைக் கையில் வாங்கிய ஆஸி வீரர்கள் ஷாம்ப்பயன் பாட்டிலை உடைத்து அதைக் கொண்டாட ஆயத்தமாகினர்.

ஆனால் அந்த அணியில் உள்ள உஸ்மான் கவாஜா மது தனது மதத்திற்கு எதிரானது என்பதால் அப்போது மேடையை விட்டு கீழே இறங்கினார். அதைப் பார்த்த பேட் கம்மின்ஸ் அவரை அழைத்தார். ஆனால் சக வீரர்கள் அவர் கீழே செல்ல ஷாம்பைன் தான் காரணம் என்று சொல்ல, ஷாம்ப்பைன் கொண்டாட்டத்தை நிறுத்த சொல்லிய கம்மின்ஸ், கவாஜாவை மேடையேற்றி புகைப்படம் எடுத்துக்கொண்டார். பின்னர் அவர் கீழே இறங்கியதும் மற்ற வீரர்கள் ஷாம்பைனை தெளித்து வெற்றியைக் கொண்டாடினர்.