'தோனி இந்திய அணிக்காக தியாகம் செய்துள்ளார்'- காம்பீர்
இந்திய கிரிக்கெட் அணியின் முன்னாள் வீரரும், எம்பியுமான காம்பீர், தோனி தியாகம் செய்துள்ளார் என்று தெரிவித்துள்ளார்.
இந்திய கிரிக்கெட் அணியின் முன்னாள் கேப்டனும், ஐபிஎல் கிரிக்கெட்டில் சென்னை கிங்ஸ் அணியின் கேப்டனுமான தோனியைப் பற்றி முன்னாள் வீரர் கவுதம் காம்பீர் கூறியதாவது:
போட்டியின் திசையை மாற்றக்கூடிய திறமை பெற்றிருந்த முதல் விக்கெட் கீப்பர் எம்.எஸ். தோனிதான். அவரைப் போன்ற பலம்வாய்ந்த வீரரை பேட்டிங் வரிசையில் 7வதாக பெற்றது இந்திய கிரிக்கெட் அணியின் வரம் என்று தெரிவித்துள்ளார்.
மேலும், தோனி தொடக்க காலத்தில் 3 வது இடத்தில் களமிறங்கியிருந்தால், அவர் ஒரு நாள் போட்டியில் பலசாதனைகள் செய்திருப்பார். கேப்டன் பொறுப்பை ஏற்ற பின் இந்திய அணி கோப்பைகள் வெல்ல வேண்டும் என பேட்டிங் வரிசையில் தோனி 6வது, 7வது இடத்தில் களமிறங்கி தியாகம் செய்துள்ளார் என்று தெரிவித்துள்ளார்.
