இந்திய ஓபன் பேட்மிண்டன் சாம்பியன்ஷிப்; சாய்னா நேவால் அதிர்ச்சி தோல்வி
இந்தியா ஓபன் பேட்மிண்டன் போட்டி தொடரில் இந்தியாவின் நட்சத்திர வீராங்கனை சாய்னா நேவால் அதிர்ச்சி தோல்வி அடைந்திருப்பது பெரும் பரபரப்பை ஏற்படுத்தி உள்ளது.
இந்திய ஓபன் சர்வதேச பேட்மிண்டன் போட்டி டெல்லியில் 17ஆம் தேதி முதல் நடைபெற்று வருகிறது. இந்த தொடரில் மகளிர் ஒற்றைய பிரிவின் முதல் சுற்று ஆட்டத்தில் இந்தியாவின் சாய்னா நேவால் டென்மார்க் நாட்டின் மியா பிளிச்ஃபெல்ட் என்பவரிடம் மோதினார்.
இந்த போட்டி விறுவிறுப்பாக நடைபெற்று வந்த நிலையில் 9- 21, 12 - 21 என்ற நேர் செட் கணக்கில் இந்தியாவின் சாய்னா நேவால் தோல்வி அடைந்தார். இந்த ஆட்டம் வெறும் 32 நிமிடங்களில் முடிவுக்கு வந்தது பேட்மின்டன் ரசிகர்களுக்கு பெரும் அதிர்ச்சியை ஏற்படுத்தும்.
ஏற்கனவே இந்தியாவின் பிவி சிந்து தோல்வி அடைந்துள்ள நிலையில் தற்போது சாய்னா நேவால் தோல்வி அடைந்துள்ளது ரசிகர்கள் மத்தியில் பெரும் அதிர்ச்சியை ஏற்படுத்தி உள்ளது.
Edited by Mahendran
