செ‌ன்னை தேனா‌ம்பே‌ட்டை‌யி‌ல் 14ஆ‌ம் தே‌தி முத‌ல் போ‌க்குவர‌த்து மா‌ற்ற‌ம்

Publish: Tue, 10 Feb 2009 (13:15 IST) Updated: Fri, 7 Mar 2014 (20:39 IST)

செ‌ன்னை தேனாம்பேட்டை எல்டாம்ஸ் சாலை அண்ணாசாலை சந்திப்பில் போக்குவரத்து நெரிசலைத் தவிர்க்கும் வகையில் வரும் 14ந் தேதி முதல் ஒரு மாத காலத்துக்கு பரிட்சார்த்த முறையில் அப்பகுதியில் போக்குவரத்து மாற்றம் அமல் படுத்தப்படவுள்ளது.

இது தொட‌ர்பாக செ‌ன்னை போக்குவரத்து காவல்துறை இ‌ன்று வெளியிட்டுள்ள பத்திரிகை செய்தி‌யி‌ல், சென்னை மாநகரத்தில் அண்ணாசாலை எல்டாம்ஸ் சாலை சந்திப்பை சுற்றியுள்ள சாலைகளில் வாகனப் போக்குவரத்து கணிசமான அளவு அதிகரித்துள்ளது. போக்குவரத்து நெரிசலைத் தவிர்த்து, சிக்னலில் காத்திருக்கும் நேரத்தை குறைக்கும் பொருட்டு ஆய்வு மேற்கொள்ளப்பட்டது.

ஆய்வின் முடிவின் அடிப்படையிலும், பொது மக்களின் பாதுகாப்பு மற்றும் வசதி கருதி, வாகன போக்குவரத்தில் கீழ்க்கண்ட மாற்றங்கள் ஒரு மாத காலத்திற்கு பரிட்சார்த்த முறையில் 14.2.2009 காலை 7 மணி முதல் அமல்படுத்தப்படவுள்ளது.

எல்டாம்ஸ் சாலை சந்திப்பில் எல்டாம்ஸ் சாலையிலிருந்து வரும் வாகனங்கள் தியாகராஜ‌ர் சாலை நோக்கி செல்வது தடை செய்யப்படுகிறது. இனி இந்த வாகனங்கள் எல்டாம்ஸ் சாலை சந்திப்பில் வலதுபுறம் திரும்பி அண்ணாசாலை, விஜயராகவா சாலை மற்றும் நாயர் சாலை வழியாக தியாகராஜ‌ர் சாலை சென்றடையலாம்.

அண்ணா மேம்பாலத்திலிருந்து அண்ணாசாலையில் வரும் வாகனங்கள் எல்டாம்ஸ் சாலை சந்திப்பில் வலதுபுறம் திரும்பி தியாகராஜ‌ர் சாலைக்கு செல்வது தடை செய்யப்படுகிறது. இனி இந்த வாகனங்கள் அண்ணாசாலை விஜயராகவா சாலை சந்திப்பில் வலதுபுறம் திரும்பி விஜயராகவா சாலை, நாயர் சாலை வழியாக தியாகராஜ‌ர் சாலை சென்றடையலாம்.

அண்ணாசாலை விஜயராகவா சாலை சந்திப்பு மற்றும் விஜயராகவா சாலை வடக்கு போக் சாலை சந்திப்பிற்கும் இடைப்பட்ட விஜயராகவா சாலை ஒரு வழிப் பாதையாக மாற்றப்படுகிறது. எனவே விஜயராகவா சாலை வடக்கு போக் சாலை சந்திப்பிலிருந்து வாகனங்கள் அண்ணா சாலை நோக்கி விஜயராகவா சாலையில் செல்வது தடை செய்யப்படுகிறது. இனி இந்த வாகனங்கள் வடக்கு போக் சாலை, தியாகராஜ‌ர் சாலை வழியாக அண்ணா சாலை சென்றடையலாம்.

எல்டாம்ஸ் ரோடு அண்ணாசாலை சந்திப்பிலிருந்து வடக்கு போக் சாலை தியாகராஜர் சாலை சந்திப்பை நோக்கி தியாகராஜ‌ர் சாலையில் வரும் வாகனங்கள் இந்த சந்திப்பில் வலது புறம் திரும்பி வடக்கு போக் சாலை வழியாக விஜயராகவா சாலை சந்திப்பை நோக்கிச் செல்வது தடை செய்யப்படுகிறது.

விஜயராகவா சாலை சந்திப்பிலிருந்து வடக்கு போக் சாலை தியாகராஜர் சாலை சந்திப்பை நோக்கி வடக்கு போக் சாலையில் வரும் வாகனங்கள் இந்த சந்திப்பில் வலதுபுறம் திரும்பி பனகல்பார்க் நோக்கி செல்வது தடை செய்யப்படுகிறது.

பனகல் பார்க்கிலிருந்து வடக்கு போக் சாலை தியாகராஜர் சாலை சந்திப்பை நோக்கி தியாகராஜ‌ர் சாலையில் வரும் வாகனங்கள் இந்த சந்திப்பில் இடதுபுறம் திரும்பி வடக்கு போக் சாலை வழியாக விஜயராகவா சாலை சந்திப்பை செல்வது தடை செய்யப்படுகிறது.

இந்த போக்குவரத்து மாற்றத்துக்கு வாகன ஓட்டுனர்கள் ஒத்துழைப்பு நல்க கேட்டுக்கொள்ளப்படுகிறார்கள் எ‌ன்று தெ‌ரி‌வி‌க்க‌ப்ப‌ட்டு‌ள்ளது.