6 விக்கெட்களை இழந்து தடுமாறும் பாகிஸ்தான்…! ஆஸ்திரேலிய பவுலர்கள் ஆதிக்கம்!
உலகக் கோப்பையை வெற்றிகரமாக வென்றுள்ள ஆஸ்திரேலிய அணி அடுத்து பாகிஸ்தானோடு டெஸ்ட் கிரிக்கெட்டை விளையாடுகிறது. இந்நிலையில் கடந்த 14 ஆம் தேதி பாகிஸ்தான் மற்றும் ஆஸ்திரேலியா மோதும் முதல் டெஸ்ட் போட்டி ஆஸ்திரேலியாவின் பெர்த் ஸ்டேடியத்தில் தொடங்கி நடைபெற்று வருகிறது. இந்த போட்டியில் டாஸ் வென்ற ஆஸ்திரேலிய அணி கேப்டன் பாட் கம்மின்ஸ் முதலில் பேட் செய்ய முடிவெடுத்தார்.
இதையடுத்து முதல் இன்னிங்ஸை ஆடிய ஆஸ்திரேலிய அணி தொடக்க ஆட்டக்காரர் வார்னரின் அபார சதத்தால் 487 ரன்கள் சேர்த்தது. மிட்செல் மார்ஷ் 90 ரன்கள் சேர்த்தார். பாகிஸ்தான் ஆமெர் ஜமால் அதிகபட்சமாக 6 விக்கெட்களை வீழ்த்தினார்.
இதையடுத்து தனது முதல் இன்னிங்ஸை ஆடிவருகிறது பாகிஸ்தான் அணி. தற்போது 6 விக்கெட்களை இழந்து 203 ரன்கள் சேர்த்து ஆடிவருகிறது. அதிகபட்சமாக இனாம் உல் ஹக் 61 ரன்கள் சேர்த்தார். இதனால் பாகிஸ்தான் அணி பாலோ ஆன் ஆக வாய்ப்புள்ளதாக சொல்லப்படுகிறது.
