ரொம்ப நாள் கழிச்சி ஒரு நல்ல காமெடி படம் வருதுடோய் - ட்ரெண்டிங்கில் சுமோ ட்ரைலர்!

Written By: papiksha

Updated: Wed, 11 Dec 2019 (14:14 IST)

சுமோக்களின் வாழ்க்கையை மையப்படுத்தி காமெடி கலந்த செண்டிமெண்ட்  படமாக உருவாகியிருக்கும் " சுமோ " என்ற படத்தில் மிர்ச்சி சிவா ஹீரோவாக நடித்துள்ளார். "வணக்கம் சென்னை" படத்திற்கு பிறகு பிரியா ஆனந்த் இரண்டாவது முறையாக இப்படத்தில் சிவாவுக்கு ஜோடியாக நடித்துள்ளார். இவர்களுடன் முக்கிய கதாபாத்திரமொன்றில் ஜப்பானைச் சேர்ந்த முன்னாள் சுமோ மல்யுத்த வீரர் யோசினோரி தாஷிரோ நடித்துள்ளார். 

இப்படத்திற்கு நடிகர் சிவாவே திரைக்கதை, வசனம் எழுதியுள்ளார். ராஜீவ் மேனன் ஒளிப்பதிவு செய்யும் இப்படத்தை வேல்ஸ் ஃபிலிம்ஸ் இண்டர்நேஷனல் நிறுவனம் தயாரிக்கிறது. நிவாஸ் கே பிரசன்னா இப்படத்திற்கு இசையமைத்துள்ளார். சமீபத்தில் இப்படத்தின் பர்ஸ்ட் லுக் போஸ்டர் வெளியாகி நல்ல வரவேற்பை பெற்றதையடுத்து இப்படத்தின் கலகலப்பான ட்ரைலர் நேற்று வெளியாகி இன்று யூடியூப் ட்ரெண்டிங்கில் இரண்டாவது இடத்தில் உள்ளது 

இந்த ட்ரைலர் ரசிகர்களிடையே செம்ம வரவேற்பை பெற்று இப்போதே பாசிட்டிவ் விமர்சனங்களை பெற்று வருகிறது. "சுமோ" படம் பொங்கல் ரேஸில் கலந்துகொண்டு ரஜினியின் தர்பார் படத்துடன் மோதவிருப்பது குறிப்பிடத்தக்கது.