பிரபல நடிகருக்கு பிறந்தநாள் வாழ்த்துகளைப் பகிர்ந்த துஷாரா… கிளம்பிய வதந்தி!
திமுக பிரமுகர் விஜயனின் மகளான துஷாரா தமிழ் சினிமாவில் திறமையான நடிகை என்ற பாராட்டுகளைப் பெற்றுள்ளார்.
போதையேறி புத்திமாறி திரைப்படத்தின் மூலம் அறிமுகமானவர் நடிகை துஷாரா விஜயன். ஆனால் அதன் பின்னர் அவர் பா ரஞ்சித் இயக்கத்தில் நடித்தா ‘சார்பட்டா பரம்பரை’ மற்றும் நட்சத்திரம் நகர்கிறது ஆகிய படங்கள்தான் அவருக்கு பெரியளவில் கவனத்தைப் பெற்று தந்தன. இப்போது அர்ஜுன் தாஸுடன் அநீதி படத்தில் நடித்துள்ளார்.
இந்நிலையில் சமீபத்தில் துஷாரா தன்னுடன் நட்சத்திரம் நகர்கிறது படத்தில் நடித்த நடிகர் பிறந்தநாளுக்கு வாழ்த்துகளைப் பகிர்ந்தார். அந்த வாழ்த்தில் “இனிய பிறந்தநாள் வாழ்த்துகள் என் ஹரி” எனக் கூறி இருந்தார். இதனால் இருவரும் காதலிக்கிறார்களா என்ற சந்தேகம் ரசிகர்கள் மத்தியில் கிளம்பியுள்ளது.
