சிங்கிள் என்பதை சூசகமாக அறிவித்த ஜான்வி கபூர்
தமிழ், தெலுங்கு மற்றும் இந்தி என பலமொழிகளில் சூப்பர் ஸ்டார் நடிகையாக திகழ்ந்தவர் ஸ்ரீதேவி. அவர் சில ஆண்டுகளுக்கு முன்னர் துபாயில் இயற்கை எய்தினார். இதையடுத்து அவரின் மூத்தமகளான ஜான்வி கபூர் சினிமாவில் அறிமுகமாகி நடித்து வருகிறார். தற்போது பாலிவுட் படங்களில் மட்டும் நடித்து வரும் அவர், தமிழ் படங்களிலும் நடிக்க ஆசைப்படுவதாக கூறியுள்ளார்.
சமூகவலைதளங்களில் தொடர்ந்து ஹாட்டான புகைப்படங்களை வெளியிட்டு வரும் ஜான்வி கபூர், நடிகரும் முன்னாள் மராட்டிய முதல்வரின் பேரனுமான ஷிகர் பஹாரியை காதலிப்பதாக பாலிவுட் ஊடகங்களில் செய்திகள் வெளியாகி வருகின்றன.
தொடர்ந்து சமூகவலைதளங்களில் வித்தியாசமான தனது போட்டோஷூட் புகைப்படங்களை வெளியிட்டு வரும் ஜான்வி கபூர் தற்போது வெளியிட்டுள்ள புகைப்படங்கள் இணையத்தில் வைரல் ஆகி வருகின்றன.
இந்நிலையில் காதலர் தினத்தை முன்னிட்டு அவர் தனது செல்ல நாய்க்குட்டியோடு இருக்கும் புகைப்படத்தை வெளியிட்டுள்ளார். இதன் மூலம் தான் இன்னும் சிங்கிளாக இருப்பதை அவர் வெளிப்படுத்தியுள்ளார்.
