தமிழ் தலைவாஸ் மீண்டும் தோல்வி! அடுத்த சுற்றுக்கு செல்லுமா?

Last Modified வியாழன், 29 ஆகஸ்ட் 2019 (21:14 IST)
புரோ கபடி போட்டியில் தமிழ் தலைவாஸ் அணி இதுவரை 10 போட்டிகளில் விளையாடி மூன்று வெற்றிகள் மட்டுமே பெற்றுள்ள நிலையில் இன்று நடைபெற்ற போட்டியில் தோல்வியடைந்துள்ளது ரசிகர்களை அதிர்ச்சிக்குள்ளாக்கியுள்ளது

இன்று நடைபெற்ற பெங்கால் வாரியர்ஸ் அணிக்கு எதிரான போட்டியில் தமிழ் தலைவாஸ் 26 புள்ளிகள் மட்டுமே பெற்றது. ஆனால் பெங்கால் வாரியர்ஸ் அணி மிகச் சிறப்பாக விளையாடி 35 புள்ளிகள் பெற்று 9 புள்ளிகள் வித்தியாசத்தில் வெற்றி பெற்றது. தமிழ் தலைவாஸ் அணியின் அஜய்தாகூர் 8 புள்ளிகள் ரைடு மூலம் பெற்றார் இருப்பினும் அவரால் வெற்றி பாதைக்கு கொண்டு செல்ல முடியவில்லை

தற்போது தமிழ் தலைவாஸ் அணி புள்ளிகள் பட்டியலில் 25 புள்ளிகள் மட்டுமே பெற்று ஒன்பதாவது இடத்தில் உள்ளது. இதே ரீதியில் சென்றால் அடுத்த சுற்றுக்கு தமிழ் தலைவாஸ் அணி தேர்வு பெறுவது சந்தேகமே என்பது குறிப்பிடத்தக்கது


இதில் மேலும் படிக்கவும் :