ஆஸ்திரேலியாவை வீழ்த்த அவரால் மட்டும்தான் முடியும்! – ட்விஸ்ட் வைத்த மைக்கெல்!

Virat Kohli
Prasanth Karthick| Last Modified திங்கள், 2 டிசம்பர் 2019 (18:54 IST)
கிரிக்கெட் தொடரில் ஆஸ்திரேலியாவை ஒரு அணியை தவிர வேறு யாராலும் தோற்கடிக்க முடியாது என இங்கிலாந்து வீரர் மைக்கெல் வான் கூறியுள்ளார்.

சமீபத்தில் நடந்த ஆஸ்திரேலியா – பாகிஸ்தான் டெஸ்ட் போட்டியில் 48 ரன்கள் வித்தியாசத்தில் பாகிஸ்தானை வீழ்த்தியது ஆஸ்திரேலியா. இந்த தொடரில் டேவிட் வார்னர் மூன்று சதங்கள் அடித்து பாகிஸ்தானி திக்குமுக்காட செய்தார்.

ஆஸ்திரேலியா முதல் இன்னிங்ஸில் 3 விக்கெட்டுகளை மட்டும் இழந்து 589 ரன்கள் பெற்று இன்னிங்ஸ் வெற்றி பெற்றுள்ளது மிகப்பெரும் சாதனையாக பார்க்கப்படுகிறது. இந்நிலையில் ஆஸ்திரேலியாவின் இந்த வெற்றி குறித்து ட்விட்டரில் கருத்து தெரிவித்த இங்கிலாந்து வீரர் மைக்கெல் வான் “அடிலெய்டில் நடந்த ஆஸ்திரேலிய தொடரை பார்த்தேன். ஆஸ்திரேலியா இப்போது இருக்கும் பலத்திற்கு எந்த அணியை வேண்டுமானாலும் வீழ்த்தும். ஆனால் ஆஸ்திரேலியாவை அதன் சொந்த மண்ணில் வீழ்த்த ஒரு அணியால் மட்டுமே முடியும். கோலி தலைமையில் அமைந்த இந்திய அணிதான் அது” என்று தெரிவித்துள்ளார்.

Virat Kohli

மூன்று சதம் அடித்த டேவிட் வார்னரும் “400 ரன்கள் அடித்த பிரையன் லாராவின் சாதனையை முறியடிக்க இந்திய வீரர் ரோகித் ஷர்மாவால்தான் முடியும்” என கூறியிருப்பது குறிப்பிடத்தக்கது.



இதில் மேலும் படிக்கவும் :