அதிமுக கூட்டணியில் தமாக: ஒப்பந்தம் கையெழுத்தானது

Last Updated: புதன், 13 மார்ச் 2019 (20:13 IST)
கூட்டணியில் ஏற்கனவே பாமக 7 தொகுதிகளும், பாஜக 5 தொகுதிகளும், தேமுதிக 4 தொகுதிகளும், என்.ஆர்.காங்கிரஸ், புதிய தமிழகம், புதிய நீதிக்கட்சி ஆகிய கட்சிகள் தலா ஒரு தொகுதியும் பெற்றுள்ளது. இந்த நிலையில் இறுதிக்கட்டமாக அதிமுக கூட்டணியில் இணைய தமாகவிடம் பேச்சுவார்த்தை நடந்தது
இந்த பேச்சுவார்த்தையில் உடன்பாடு ஏற்பட்டதை அடுத்து இன்று சென்னையில் உள்ள ஒரு தனியார் ஓட்டலில் அதிமுக - கூட்டணி ஒப்பந்தம் கையெழுத்தானது. இந்த கூட்டணி ஒப்பந்தத்தில் அதிமுக ஒருங்கிணைப்பாளர் ஓ.பன்னீர்செல்வம், துணை ஒருங்கிணைப்பாளர் எடப்பாடி பழனிச்சாமி மற்றும் தமாக தலைவர் ஜி.கே.வாசன் கையெழுத்திட்டனர். அதிமுக கூட்டணியில் தமாகவுக்கு ஒரு தொகுதி ஒதுக்கப்பட்டுள்ளது.
தமாக ஒப்பந்தத்துடன் அதிமுக கூட்டணி இறுதிவடிவம் பெற்றுள்ளது. இனி அடுத்தகட்டமாக எந்தெந்த தொகுதிகள் எந்தெந்த கட்சிக்கு என்பது குறித்த ஆலோசனைகள் நடத்தப்பட்டு இன்னும் ஓரிரு நாளில் இதுகுறித்த அறிவிப்பு வெளியாகவுள்ளது.


இதில் மேலும் படிக்கவும் :