தொடர்புடைய செய்திகள்
- மைக்ரோசாப்ட் விண்டோஸ் தலைவராகும் சென்னை ஐஐடி முன்னாள் மாணவர்: குவியும் வாழ்த்துக்கள்
- வீர மங்கை வேலுநாச்சியார் மருது பாண்டியர்கள் வேடமிட்டு- நாம் தமிழர் கட்சியினர் பிரச்சாரம்
- நாம் தமிழர் கட்சிக்கு மைக் சின்னம் உறுதி
- தமிழில் உறுதிமொழி எடுக்க நாம் தமிழர் வேட்பாளர் தடுமாற்றம்!
- வேறு சின்னம் கேட்கும் நாம் தமிழர் கட்சி!
சின்னத்தில் தான் விவசாயியா..? நான் நிஜத்திலேயே விவசாயிதான்: சீமான் ஆவேசம்
சீமானின் நாம் தமிழர் கட்சிக்கு கரும்பு விவசாயி சின்னம் ஒதுக்கப்படாத நிலையில் அவருக்கு மைக் சின்னம் ஒதுக்கப்பட்டுள்ளது. இந்நிலையில் தனது கட்சியின் சின்னத்தை அறிமுகம் செய்த சீமான் ஆவேசமாக பேசியதாவது:
நாம் தமிழர் கட்சிக்கு மைக் சின்னம் ஒதுக்கீடு செய்யப்பட்டுள்ளது. சீமானுக்கு தான் ஓட்டு, சின்னத்துக்கு இல்லை. கரும்பு விவசாயி சின்னத்துக்காக கடைசி வரை போராடினோம். சின்னத்தில் தான் விவசாயியா..? நான் நிஜத்திலேயே விவசாயிதான்.
பாஜகவுடன் கூட்டணி வைத்திருந்தால் நாங்கள் கேட்ட சின்னம் எங்களுக்குக் கிடைத்திருக்கும். ஆனால் என் வாழ்நாளில் சமரசத்துக்கு இடமில்லை. நாளை முதல் தேர்தல் பரப்புரையை தொடங்க உள்ளோம். நாம் தமிழர் மைக் சின்னத்தில் போட்டியிடும்!
பாஜகவுடன் கூட்டணி வைத்திருப்பவர்களுக்கு சைக்கிள் சின்னம், குக்கர் சின்னம் கிடைத்தது போல் நானும் பாஜகவுடன் கூட்டணி வைத்திருந்தால் கரும்பு விவசாயி சின்னம் கிடைத்திருக்கும். தேர்தல் ஆணையம் சிபிஐ உள்ளிட்ட அமைப்புகள் சுதந்திரமாக இயங்குவதில்லை என்பது இதன் மூலம் தெரிய வருகிறது என சீமான் ஆவேசமாக கூறினார்
Edited by Mahendran
