இறங்கி அடிக்குமா பாஜக? பொன்னார் சூசக பதில்!

ஊரக உள்ளாட்சித் தேர்தலில் அதிமுக பாஜக கூட்டணி தொடருமா இல்லையா என பாஜக மூத்த தலைவர் பொன்.ராதாகிருஷ்ணன் பதிலளித்துள்ளார். 

தமிழகத்தில் 3 ஆண்டுகளுக்கு பிறகு உள்ளாட்சி தேர்தல் வரும் டிசம்பர் 27 மற்றும் 30 ஆம் தேதி என இரு கட்டங்களாக நடைபெறவுள்ளது. உள்ளாட்சி தேர்தலுக்காக திமுக, அதிமுக மற்றும் அதன் கூட்டணி கட்சிகள், அமமுக, நாம் தமிழர் ஆகிய கட்சிகள் தயாராகி வருகின்றனர்.  

அதேபோல ரஜினி உள்ளாட்சி தேர்தலில் போட்டியிடவில்லை என தெரிவித்த நிலையில் கமல்ஹாசனின் மக்கள் நீதி மய்யமும் உள்ளாட்சி தேர்தலில் போட்டியிடவில்லை என் அறிவித்தது. 

இந்நிலையில் முன்னாள் மத்திய இணையமைச்சர் பொன்.ராதாகிருஷ்ணன் செய்தியாளர்களுக்கு பேட்டியளித்தார். அப்பொழுது அதிமுக கூட்டணியில் இணைந்து உள்ளாட்சி தேர்தலில் பாஜக போட்டியிடுமா என்று கேட்கப்பட்டது.

இதற்கு மாவட்ட வாரியாக பேசி முடிவெடுத்து பின்னர் இது குறித்து அறிவிக்கப்படும் என்று தெரிவித்துள்ளார். முன்பெல்லாம் தலைமை முடிவெடுக்கும் என கூறிவந்தவர் தற்போது வேறு பதில் அளித்திருப்பது வியப்பை ஏற்படுத்துவதாகவும் உள்ளது.