1. செய்திகள்
  2. செய்திகள்
  3. த‌மிழக‌ம்
  4. MK Stalin not going to Pasumbon due to health issues

முதல்வருக்கு முதுகு வலி! பசும்பொன் பயணம் ரத்து!

MK Stalin
தமிழ்நாடு முதல்வர் மு.க.ஸ்டாலின் முதுகு வலி காரணமாக சிகிச்சை பெற்று வருவதால் தேவர் குருபூஜை பயணம் ரத்து செய்யப்படுவதாக அறிவிக்கப்பட்டுள்ளது.

சுதந்திர போராட்ட வீரரும், அரசியல் தலைவருமான முத்துராமலிங்க தேவரின் பிறந்தநாள் மற்றும் குருபூஜை வரும் 30ம் தேதியன்று நடைபெற உள்ளது. இந்த நிகழ்வில் முதல்வர் மு.க.ஸ்டாலின் கலந்து கொள்ள இருந்தார்.


இந்நிலையில் தற்போது அவருக்கு முதுகுத் தண்டில் வலி ஏற்பட்டதன் காரணமாக மருத்துவமனையில் பரிசோதனை மேற்கொள்ளப்பட்டது. அதில் முதுகுவலி காரணமாக அவர் நீண்ட தூர பயணங்களை தவிர்க்க வேண்டுமென மருத்துவர்கள் பரிந்துரைத்துள்ளனர்.

அதனால் முதல்வர் மு.க.ஸ்டாலினின் பசும்பொன் பயணம் ரத்து செய்யப்படுவதாக அறிவிப்பு வெளியாகியுள்ளது. ஆனால் தேவர் குருபூஜையில் அமைச்சர்கள் துரைமுருகன், கே.என்.நேரு, பெரியசாமி உள்ளிட்டோர் கலந்து கொள்வார்கள் என்றும் அறிவிக்கப்பட்டுள்ளது.

Edited By Prasanth.K
அடுத்த கட்டுரையில்
கேதர்நாத்தில் 101 கோடி சம்பாதித்த கழுதைகள்! சோகத்தில் ஹெலிகாப்டர்கள்!