உள்ளாட்சித் தேர்தல் தேதி அறிவிப்பு எப்போது? அமைச்சர் தா.மோ.அன்பரசன் தகவல்!
தமிழகத்தில் உள்ளாட்சி தேர்தலை செப்டம்பர் 15-ஆம் தேதிக்குள் நடத்த வேண்டும் என சுப்ரீம் கோர்ட் உத்தரவிட்டுள்ளது. உள்ளாட்சி தேர்தல் குறித்த அறிவிப்பு எப்போது வேண்டுமானாலும் வெளிவரலாம் என்று எதிர்பார்க்கப்பட்டது
ஏற்கனவே தமிழக அரசு மற்றும் தமிழக தேர்தல் ஆணையம் உள்ளாட்சி தேர்தலை நடத்துவதற்கான ஆயத்தப் பணிகளை செய்து வருகிறது என்பது குறிப்பிடத்தக்கது. இந்த நிலையில் இன்று காலை உள்ளாட்சி தேர்தலுக்கான இட ஒதுக்கீடு குறித்த அறிவிப்பு வெளியானது என்பதும், பட்டியல் இன பெண்கள் மற்றும் பொது பிரிவு பெண்கள் போட்டியிடும் தொகுதிகள் குறித்த அறிவிப்பு வெளியானது என்பதை ஏற்கனவே பார்த்தோம்
இந்த நிலையில் சற்று முன் அமைச்சர் தாமோதரன் அவர்கள் வரும் 13ஆம் தேதி உள்ளாட்சி தேர்தல் தேதி அறிவிக்கப்படும் என தெரிவித்துள்ளார். இதனை அடுத்து உள்ளாட்சி தேர்தல் தேதி அறிவிக்கப்பட உள்ளது உறுதியாகி உள்ளது என்பது குறிப்பிடத்தக்கது. மேலும் சட்டமன்ற தேர்தல் போல் உள்ளாட்சி தேர்தலிலும் திமுக அமோக வெற்றி பெறும் என்றும் அவர் கூறினார்
