சிவி சண்முகத்தை விஜய் நேரில் போய் பார்த்தது சரியா?.. அதிமுக பிரிவதை ஏற்றுக்கொள்கிறாரா?!..

Publish: Tue, 12 May 2026 (19:48 IST) Updated: Tue, 12 May 2026 (19:54 IST)

சி.வி சண்முகம் மற்றும் எஸ்.பி வேலுமணி ஆகிய இருவரின் தலைமையின் கீழ் அதிமுகவிலிருந்து 30 எம்எல்ஏக்கள் தனியாக பிரிந்துள்ள நிலையில் அவர்கள் இருவரையும் போய் தமிழக முதல்வர் விஜய் சந்தித்தது சர்ச்சையை ஏற்படுத்தியிருக்கிறது. நடந்து முடிந்த சட்டமன்றத் தேர்தலில் அதிமுக மூன்றாம் இடத்திற்கு சென்று எதிர் கட்சியாக கூட அமரவில்லை.

இதனால், எடப்பாடி பழனிச்சாமி தலைமையின் மீது அதிமுக எம்.எல்.ஏக்கள் அதிருப்தியடைந்திருக்கிறார்கள். எனவேதான் இன்று காலை செய்தியாளர் சந்தித்த சிவி சண்முகம் மற்றும் எஸ்.பி வேலுமணி தரப்பு தவெகவின் வெற்றியை ஏற்றுக் கொள்வதாகவும், தாங்கள் தவெகவை ஆதரிப்பதாகவும் கூறினார்..

இதையடுத்துதான் இன்று மதியம் விஜய் சிவி சண்முகத்தின் வீட்டிற்கு சென்று அவரை சந்தித்தார். ‘அப்படி என்றால் அதிமுக இரண்டாக பிரிவதை விஜய் ஏற்றுக்கொள்கிறாரா?’ என்கிற கேள்வி எழுந்திருக்கிறது.. அதிமுக தலைவர்களை சந்திக்க வேண்டும் என்று விஜய் நினைத்திருந்தால் அவர் எடப்பாடி பழனிச்சாமியைத்தான் சந்தித்திருக்க வேண்டும்.. ஆனால் எடப்பாடி பழனிச்சாமி தவெகவுக்கு ஆதரவு இல்லை என ஏற்கனவே சொல்லிவிட்டார். ஆனால், சிவி சண்முகம் தரப்பு தவெகவுக்கு ஆதரவு என சொல்லியதால் விஜய் அவர்களை சந்தித்துள்ளர். இது விவாதத்தை ஏற்படுத்தியிருக்கிறது.