வியாழன், 28 மார்ச் 2024
  1. விளையாட்டு
  2. கிரிக்கெட்
  3. செய்திகள்
Written By Sugapriya Prakash
Last Updated : சனி, 16 நவம்பர் 2019 (15:18 IST)

INDvsBAN: தோல்வியை தவிர்க்க விடாமல் போராடும் வங்கதேச வீரர்கள்!

இந்தியா – வங்கதேசம் இடையேயான முதல் டெஸ்ட்டில் முதல் இன்னிங்க்ஸ் முடிந்த நிலையில் இரண்டாவது இன்னிங்க்ஸ் இன்று நடைபெற்று வருகிறது. 
 
டெஸ்ட் போட்டியில் டாஸ் வென்று பேட்டிங் தேர்வு செய்த வங்கதேசம், இந்தியாவின் அபாரமான பந்துவீச்சுக்கு தாக்குபிடிக்க முடியாத வங்கதேசம் 58 ஓவர்களில் அனைத்து விக்கெட்டுகளையும் இழந்து 150 ரன்கள் மட்டுமே எடுத்தது.
 
இரண்டாவதாக களம் இறங்கிய இந்தியா அட்டகாசமான ஆட்டத்தை வெளிப்படுத்தியது. 114 ஓவர்களில் 6 விக்கெட் இழப்புக்கு 493 ரன்கள் எடுத்தது இந்தியா. மயங்க் அகர்வால் இரட்டை சதத்தை விளாசி ரசிகர்களை ஆச்சர்யத்தில் மூழ்கடித்தார். 243 ரன்கள் எடுத்திருந்த நிலையில் அவுட் ஆனார். விராட் கோலி ஒரு ரன் கூட எடுக்காமல் அவுட் ஆனாலும் புஜாரா, ரஹானே மற்றும் ஜடேஜா தலா ஒரு அரை சதத்தை வீழ்த்தி வங்கதேசத்தை திணறடித்தார்கள்.
 
வங்கதேசத்தை விட 343 ரன்கள் முன்னிலையில் இருக்கும் இந்தியாவை இரண்டாவது இன்னிங்ஸில் வங்க தேசம் வெற்றிக்காக போராடி வருகிறது. 64 ஓவர்கள் முடிந்துள்ள நிலையில் 7 விக்கெட் இழப்பிற்கு 204 ரன்கள் எடுத்துள்ளது வந்கதேச அணி.