சத்துள்ள காய்கறி வடை செய்ய...!

கடலைப்பருப்பு - 100 கிராம்

கேரட் துருவல் - ஒரு கப்

கோஸ் பொடியாக நறுக்கியது - ஒரு கப்

பச்சைப் பட்டாணி - ஒரு கப்

புதினா - சிறிதளவு

கொத்தமல்லி - சிறிதளவு

கறிவேப்பிலை - சிறிதளவு

சோம்பு - 1/2 டீஸ்பூன்

பச்சை மிளகாய் - 2

எண்ணெய் - 250 மில்லி

உப்பு - தேவையான அளவு

செய்முறை :

* உளுத்தம்பருப்பு கடலைப்பருப்பு இரண்டையும் 2 மணி நேரம் ஊற வைத்து, தண்ணீர் வடித்து, பச்சை மிளகாய் உப்பு சேர்த்து கொரகொரப்பாக அரைத்து கொள்ளவும். ஒரு பாத்திரத்தில் அரைத்த மாவு, கேரட் துருவல், கோஸ், சோம்பு, புதினா, கொத்தமல்லி, கறிவேப்பிலை பட்டாணி சேர்த்து நன்றாக பிசைந்து கொள்ளவும். 

* ஒரு வாணலியை அடுப்பில் வைத்து எண்ணெய் ஊற்றி சூடானதும் மாவை சிறுசிறு உருண்டைகளாக செய்து வடைகளாக  தட்டிப் போட்டு எண்ணெயில் பொரித்து எடுக்கவும். சூப்பரான காய்கறி வடை தயார்.

குறிப்பு:

நாம் விரும்பும் காய்களை பொடியாக நறுக்கி சேர்த்து வடை செய்யலாம். இந்த வடைக்கு தக்காளி சாஸ் சேர்த்து சாப்பிட சுவை அருமையாக இருக்கும். இதனை குழந்தைகள் விரும்பி சாப்பிடுவார்கள்.