ஜிகிர்தண்டா இந்தி ரீமேக்கில் சஞ்சய்தத்

சமீபத்தில் மும்பை குண்டுவெடிப்பு வழக்கின் தண்டனை முடிந்து விடுதலையான பாலிவுட் சூப்பர் ஸ்டார் சஞ்சய்தத், ஜிகிர்தண்டா இந்தி ரீமேக்கில் நடிக்க ஒப்பந்தமாகியுள்ளதாக செய்திகள் வெளிவந்துள்ளது.

கார்த்திக் சுப்புராஜ் இயக்கத்தில் சித்தார்த், லட்சுமிமேனன், பாபிசிம்ஹா உள்பட பலர் நடித்த வெற்றிப்படம் 'ஜிகிர்தண்டா'. இந்த படத்தில் சிறப்பாக நடித்த பாபிசிம்ஹாவுக்கு சிறந்த துணை நடிகருக்கான தேசியவிருது கிடைத்தது. பாபிசிம்ஹாவின் கேரக்டரில் ரஜினியே நடிக்க விரும்பியதாக கார்த்திக் சுப்புராஜ் ஒரு பேட்டியில் கூறியிருந்தார் என்பது குறிப்பிடத்தக்கது

இந்த நிலையில் இந்த படம் தற்போது இந்தியில் ரீமேக் ஆகிறது. நிஷிகந்த் கமத் இயக்கவுள்ள இந்த படத்தில் சித்தார்த் கேரக்டரில் ஃபர்கான் அக்தாரும், பாபிசிம்ஹா கேரக்டரில் சஞ்சய்தத்தும் நடிக்கவுள்ளனர். லட்சுமிமேனன் கேரக்டரில் நடிக்க முன்னணி நடிகை ஒருவரிடம் பேச்சுவார்த்தை நடந்து வருவதாகவும், இந்த படத்தின் படப்பிடிப்பு வரும் டிசம்பர் 4ஆம் தேதி முதல் தொடங்கவுள்ளதாகவும் கூறப்படுகிறது.