அஜித் படத்துக்கு இடையில் நடிக்கப் போகும் மகிழ் திருமேனி!
அஜித் 62 படத்தை மகிழ் திருமேனி இயக்குவது கிட்டத்தட்ட உறுதியாகியுள்ள நிலையில் அதிகாரப்பூர்வ அறிவிப்புக்காக ரசிகர்கள் காத்திருக்கின்றனர். அஜித்தின் 62வது திரைப்படத்தை லைகா நிறுவனம் தயாரிக்க உள்ளதாக அதிகாரப்பூர்வமாக அறிவிக்கப்பட்டுள்ளது. மேலும் விக்னேஷ் சிவன் இயக்கத்தில் அனிருத் இசையில் இந்த படம் உருவாக இருப்பதாகவும் அறிவிக்கப்பட்டது. ஆனால் கடைசி நேரத்தில் விக்னேஷ் சிவன் நீக்கப்பட்டு மகிழ் திருமேனி ஒப்பந்தம் செய்யப்பட்டுள்ளதாக சொல்லப்படுகிறது. இதற்கான வேலைகளை மகிழ் திருமேனி இப்போது செய்து வருவதாக சொல்லப்படுகிறது.
இந்நிலையில் அஜித் படத்தின் ஷூட்டிங்குக்கு இடையில் ரேக்ளா என்ற ஏற்கனவே ஒத்துக்கொண்ட படத்தில் தன்னுடைய மீதிக் காட்சிகளுக்கான ஷூட்டிங் செல்ல உள்ளதாக தகவல்கள் வெளியாகியுள்ளன. ரேக்ளா படத்தில் பிரபுதேவா, கதாநாயகனாக நடிக்க, மகிழ் திருமேனி வில்லனாக நடிக்கிறார்.
