புத்தாண்டு தினத்தில் தொண்டர்களை சந்திக்க வந்த விஜயகாந்த்!

நடிகர் விஜய்காந்த் இன்று கோயம்பேட்டில் உள்ள தனது கட்சி அலுவலகத்துக்கு வந்து தொண்டர்கள் மற்றும் கட்சி நிர்வாகிகளை சந்தித்தார்.

தேமுதிக தலைவர் விஜயகாந்தின் உடல்நிலை கடந்த சில ஆண்டுகளாக நலிவடைந்துள்ளது. இதற்காக அவர் சில முறை வெளிநாடு சென்று சிகிச்சை எடுத்து திரும்பினார். உடல்நிலை காரணமாக அவர் தீவிர அரசியலில் ஈடுபடுவதில் இருந்து விலகி, வீட்டிலேயே ஓய்வெடுத்து வருகிறார். அவருக்கு பதிலாக கட்சி சம்மந்தமான பணிகளை அவரின் மனைவி பிரேமலதா விஜயகாந்த் கவனித்து வருகிறார்.

இந்நிலையில் இன்று புத்தாண்டு தினம் என்பதால் சென்னை கோயம்பேட்டில் உள்ள தேமுதிக கட்சி அலுவலகத்துக்கு விஜயகாந்த் வந்து தொண்டர்கள் மற்றும் கட்சி நிர்வாகிகளை சந்தித்தார். தேமுதிக பொருளாளர் பிரேமலதா கட்சி நிர்வாகிகளுக்கு ரூபாய் நோட்டுகளை அன்பளிப்பாக அளித்தார்.